काठमाडौं– नेपाली यू–१९ पुरुष क्रिकेट टिमको कप्तानी देव खनालले गर्ने भएका छन्। यूएईमा आयोजना हुने आईसीसी यू-१९ पुरुष विश्वकपको एसिया छनोट प्रतियोगितामा देव खनालले नेपालको कप्तानी गर्ने नेपाल क्रिकेट संघ क्यानले जनाएको छ।
क्यानले मंगलबार एक विज्ञप्ति जारी गर्दै देवलाई कप्तानमा नियुक्त गरेको जानकारी दिएको छ। यसअघि क्यानले नेपाली यू-१९ राष्ट्रिय क्रिकेट टोलीको कप्तानीको जिम्मेवारी गुलशन झालाई दिएको थियो ।
तर, गुलशन विश्व क्रिकेट लिग टू अन्तर्गत युएईमा हुने सिरिजका लागि सिनियर टोलीसँग जाने भएपछि देवलाई कप्तानी दिइएको हो ।
गुलशन झाको स्थानमा आकाश चन्दले स्थान बनाएका छन्। यू-१९ छनोट प्रतियोगिता फागुन १२ देखि यूएईमा सुरु हुनेछ।
नेपाली टोली बुधबार त्यसतर्फ जानेछन्। यस प्रतियोगितामा नेपालसहित सिंगापुर,कतार,हङकङ,मलेसिया र आयोजक यूएईको सहभागीता रहेको छ । नेपालको पहिलो खेल फागुन १२ मा सिंगापुरविरुद्ध रहेको छ ।
यस्तो छ नेपाली टिम :
देव खनाल ( कप्तान ) आकाश त्रिपाठी, अर्जुन कुमाल, दिपक बोहरा ( क ) , दिपक बोहरा ( ख ) , उत्तम थापा मगर, दिपक डुम्रे, दिपेश कंडेल, हेमन्त धामी, दुर्गेश गुप्ता, सुबास भण्डारी, विशाल बिक्रम केसी, मिलन बोहरा, आकाश चन्द
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1777870461-1777874031.jpg)
-1764146706.png)
