मोरङमा एक महिलाको हत्या, श्रीमान्‌सहित चार जना पक्राउ

सुरक्षा/अपराध

नेपाल लाइभ सोमबार, फागुन ८, २०७९ २१:०५

काठमाडौं– जिल्ला प्रहरी कार्यालय मोरङले एक महिलाको हत्या आरोपमा चार जनालाई पक्राउ गरेको छ। विराटनगर महानगरपालिका–१९ की २८ वर्षीया प्रियंका सुनारको हत्या आरोपमा प्रहरीले चार जनालाई पक्राउ गरेको हो।

पक्राउ पर्नेहरुमा मोरङको कटहरी गाउँपालिका–५ का ३५ वर्षीय उमेश सरदार,६२ वर्षीय रमानन्द राम, विराटनगर महानगरपालिका–७ का ५३ वर्षीय श्रीराम चौधरी र विराटनगर–१९ का २९ वर्षीय रमेश साह रहेका छन्।

पक्राउ परेकामध्ये रमेश मृतक प्रियंकाका श्रीमान् रहेको प्रहरीले जनाएको छ। सोमबार मध्यान्ह १२ बजेर १० मिनेटमा बुढीगंगा गाउँपालिकाको वडा नम्बर २ अमाहीका नरसिंह चौधरी ग्वालीघरमा शव भेटिएको थियो।

खबर पाउनासाथ जिल्ला प्रहरी कार्यालय मोरङबाट डिएसपीको कमाण्डमा अनुसन्धान टोली खटिएको थियो। सोधपुछका क्रममा प्रियंकका श्रीमान्‌सँगै अन्यको पनि हत्यामा संलग्नता भएको आशंका लागेपछि अनुसन्धानका लागि उनीहरुलाई पक्राउ गरिएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु