काठमाडौं– नेपाल टी–२० लिग क्रिकेटमा स्पट फिक्सिङ भएको आरोपमा १२ जनाविरुद्ध मुद्दा दर्ता भएको छ। केन्द्रीय अनुसन्धान ब्यूरो सीआईबीले अनुसन्धान सकेर पठाएको फाइल जिल्ला सकारी वकिल कार्यालयतले गत शुक्रबार जिल्ला अदालतमा दर्ता गरेको हो।
मुद्दा दर्ता गरिएकामध्ये एक आरोपित हुन् राष्ट्रिय क्रिकेट टोलीका पूर्व खेलाडी महबुब आलम। महबुबले प्रहरीलाई दिएको बयानमा आफूलाई २ लाख रुपैयाँ प्रतिव्यक्ति दिने भनेर फिक्सिङका लागि प्रस्ताव गर्न भनिएको बताएका छन्।
यस्तो छ अभियोगपत्रमा उल्लेखित आलमको बयान
मेरो छिमेकी भाइ रवि माझीले हालै सम्पन्न नेपाल टी–२० क्रिकेट लिग सञ्चालन भइरहेको ह्वाट्सएपमार्फत् मलाई सम्पर्क गरेको थियो।
पोखरा एभेन्जर्सका खेलाडी म आरिफ शेख र फारवेष्ट यूनाईटेडका खेलाडी महमद हासिम अन्सारीले कुनै खेलमा ब्याटिङ गर्दा ५ भन्दा कम रन बनाइ आउट भएमा वा बलिङ गर्दा १ ओभरमा विपक्षी ब्याट्सम्यानलाई १० भन्दा बढी रन बनाउन दिए उनीहरु ६ लाख रुपैयाँ रकम निजले उपलब्ध गराउने कुरा सम्बन्धित व्यक्तिहरुलाई जानकारी गराइ दिनू भनेकाले मैले तत्काल आरीफ शेखलाई सम्पर्क गरी रवि माझीको प्रस्तावबारे जानकारी गराएको थिएँ।
सो प्रस्तावबारे आरीफ शेखले तत्काल निर्णय दिएनन्। मैले आरीफ शेखको मोबाइल नम्बरसमेत रवि माझीलाई पठाइ मैले सबै कुरा गरेको छु, तिमी पनि कुरा गर भनी म्यासेज पठाएको थिएँ। खेलाडीको काम हुनासाथ पैसा उपलब्ध हुने कुरा पनि बताएका थिए।
सो पश्चात् मैले आरीफ शेखको मेसेन्जरमा तिमीलाई कसैले फोन गर्यो भनी प्रश्न गर्दा उनले मबाट यो काम हुँदैन भनी जवाफ दिए। मैले उनलाई पैसा राम्रो दिएको भएर कुरा गरेको, बाँकी ६ म्याचको प्रति म्याच ६ लाखका दरले ३६ लाख तिमीलाई हुने कुरा पनि म्यासेन्जरमा बताएको थिएँ।
मलाई पनि प्रति म्याच २ लाख दिने बताइ खेलाडीहरुसँग सम्पर्क गर्न भनिएको थियो। मैले त्यसैले तिमीसँग सिधा कुरा गराएको भनी आरीफ शेखलाई जानकारी गराएको थिएँ। आरीफ शेखले कुन टिमसँगको खेलमा प्रस्ताव गरे बमोजिम खेल खेल्नुपर्ने भन्ने बारेमा रवि माझीले बताएका थिएनन्।
आरीफ शेखलाई कुनै खेलमा ब्याटिङ गर्दा ५ भन्दा कम रन बनाइ आउट भएमा वा बलिङ गर्दा १ ओभरमा विपक्षी ब्याट्सम्यानलाई १० भन्दा बढी रन बनाउन दिए ६ लाख दिने भनी रवि माझीको प्रस्ताव मैले आरीफ शेखलाई राखी दिएको हुँ।
पुस १४ गते मैले महमद हासिम अन्सारीलाई फोन गरेको थिएँ। उक्त समयमा मैले उनले खेल्ने कुनै खेलमा ब्याटिङ गर्दा ५ भन्दा कम रन बनाइ आउट भएमा चार लाख रकम दिने रवि माझीको प्रस्ताव मैले राखी दिएको थिएँ।
उनले तत्काल कुनै निर्णय दिएनन्। महमद हासिम अन्सारीले कुन टिमसँगको खेलमा प्रलोभन देखाए बमोजिम खेल खेल्नुपर्ने थियो, सो बारेमा रवि माझीले बताएका थिएनन्। कुनै खेलमा ब्याटिङ गर्दा खेलाडीले ५ भन्दा कम रन बनाइ आउट भएमा वा बलिङ गर्दा १ ओभरमा विपक्षी ब्याट्सम्यानलाई १० भन्दा बढी रन बनाउन दिए ६ लाख रवि माझीले उपलब्ध गराउने प्रस्ताव मैले महमद हासिम अन्सारीलाई राख्दा चार लाख दिने भनी प्रस्ताव राखेको थिएँ।
रवि माझीले ६ लाखमध्येबाट मलाई २ लाख दिने प्रस्ताव गरेका कारण मैले महमद हासिम अन्सारीलाई ४ लाख दिने भनी प्रस्ताव गरेको थिएँ। खेलाडीले प्रस्ताव स्वीकार गरे मात्र मलाई २ लाख दिने रवि माझीले बताएका थिए।
महमद हासिम अन्सारीको मोबाइल फोन परीक्षण पश्चात परीक्षण प्रतिवेदनसाथ पेस हुन आएको डिभिडीमा भएको अडियो रेकर्ड कम्प्यूटरमा प्ले गरी मलाई सुनाउँदा सुनी पाएँ। उक्त अडियो रेकर्डमा भएको संवाद म र महमद हासिम अन्सारीबीच फोन सम्पर्क हुँदा भएको संवाद हो।
उक्त संवाद महमद हासिम अन्सारीले मोबाइल फोनमा रेकर्ड गरेको हुनुपर्छ। उक्त संवादमा मैले महमद हासिम अन्सारीलाई ‘हिजो १ जना मान्छेले सम्पर्क गरेको, कोही छ भने सम्पर्क गर्नू, पैसा कमाउन चाहन्छ भने ५ रनभित्र आउट हुनुपर्छ, ४ लाख रुपैयाँ दिन्छ, तिमी आफैं गर्छौ भने गर्दा हुन्छ, ५ रनभित्र आउट हुनुपर्छ, ४ लाख रुपैयाँ पाउँछ’ भनी प्रस्ताव राखेको थिएँ।
रवि माझीले मलाई भने बमोजिम मैले उक्त प्रस्ताव महमद हासिम अन्सारीलाई राखी दिएको थिएँ। सो प्रस्तावको जवाफ एक छिनमा दिन्छु भनी महमद हासिम अन्सारीले भनेका थिए। निजहरुले तत्काल उक्त प्रस्वावलाई स्वीकार नगरेको कारण उक्त रकम भुक्तान भएको छैन। आरीफ शेख र महमद हासिम अन्सारी बाहेक अन्य कोही कसैलाई प्रस्ताव गरेको छैन।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737300486.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
