५ लाख रुपैयाँभन्दा बढी नक्कली नोटसहित ३ जना पक्राउ

सुरक्षा/अपराध

नेपाल लाइभ बुधबार, फागुन ३, २०७९ ०८:३७

नेपालगञ्ज– बाँकेको नेपालगञ्जबाट करिब ५ लाख रुपैयाँभन्दा बढी नेपाली नक्कली नोटसहित ३ जनालाई प्रहरीले पक्राउ गरेको छ। प्रहरीले नेपालगञ्ज उपमहानगर–२ स्थित न्यूरोडबाट उनीहरुलाई पक्राउ गरेको हो।

बाँकेका प्रहरी नायब उपरीक्षक रामप्रसाद घर्तीका अनुसार पक्राउ पर्नेमा कोहलपुर नगरपालिका–११ का ३३ वर्षीय मोहन कुमाइ, अछामको तुर्माखाँद गाउँपालिका–३ का ३७ वर्षीय दीपक बिसी र सल्यानको वनगाँड कुपेण्डे नगरपालिका–५ का ३० वर्षीय मोहन राना छन्। उनीहरुको साथबाट प्रहरीले १ हजार दरका नक्कली नोट ५६९ थान बरामद गरेको छ।

रानाका साथबाट ४१८ थान नक्कली नेपाली १ हजारको नोट र कुमाइको साथबाट १५१ थान नेपाली १ हजारको नक्कली नोट बरामद गरिएको छ। नक्कली नेपाली रुपैयाँ बोकेर हिँडिरहेका तीनैजनालाई मंगलबार साँझ प्रहरीको विशेष टोलीले पक्राउ गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अलैँची बिक्रीबाट २२ करोड आम्दानी

रवि लामिछाने आज रुपन्देही अदालतमा उपस्थित नहुने

हमासले रिहा गर्‍यो तीन बन्धक, इजरायलले पनि ९० प्यालेस्टिनीलाई छोड्यो