पौडी खेल्ने बेला भेरीमा बेपत्ता एक जनाको शव भेटियो

सुरक्षा/अपराध

नेपाल लाइभ शुक्रबार, माघ २७, २०७९ २०:३९

काठमाडौं- सुर्खेतमा बिहीबार पौडी खेल्ने क्रममा भेरी नदीमा बेपत्ता भएकामध्ये एक जनाको शव भेटिएको छ।

सुर्खेतको भेरीगंगा नगरपालिका-८ लोदेस्थित भेरी नदीमा पौडी खेल्ने क्रममा डोल्पाको ठूलीभेरी नगरपालिका-५ बस्ने २२ वर्षीय मकर रोकाय र २१ वर्षीय बीबी रोकाय डुबेर बेपत्ता भएका थिए।

बेपत्तामध्ये शुक्रबार बीबी रोकायको शव फेला परेको सशस्त्र प्रहरी बल नेपालका सहायक प्रवक्ता डीएसपी शैलेन्द्र थापाले बताए।

सशस्त्र प्रहरी बल नेपाल नम्बर ६ महेश्वरी बाहिनी मुख्यालय सुर्खेतबाट गोताखोरसहित खटिएको सशस्त्र प्रहरीले रोकायको शव फेला पारेको हो।

हराइरहेका मकरको खोजी भइरहेको सशस्त्रका डीएसपी थापाले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वाग्मतीमा समस्याग्रस्त सहकारी संस्थाको संख्यामा वृद्दि , १३७ संस्थाविरूद्ध उजुरी

टर्कीमा अवैध रुपमा बसेका पाँच नेपाली निष्काशित

यू-१९ महिला विश्‍वकप : स्कटल्याण्डलाई नेपालको सामान्य लक्ष्य