काठमाडौं- देशको आर्थिक अवस्था अन्योलग्रस्त भएको टिप्पणी भइरहेको अवस्थामा आर्थिक सूचकांकहरु भने सुधारोन्मुख देखिएका छन्।
नेपाल राष्ट्र बैंकले सोमबार सार्वजनिक गरेको तथ्यांक अनुसार रेमिट्यान्स वृद्धि भएको छ भने विदेशी विनियम सञ्चिति पनि बढेको छ। त्यस्तै शोधानन्तर स्थिति २३ महिनायताकै बलियो देखिएको छ।
विदेशी मुद्राको सञ्चितिमा सुधार देखिएसँगै शोधनान्तर (देशमा भित्रिने र बाहिरिने विदेशी मुद्राको अन्तर) स्थिति पनि सकारात्मक बन्दै गएकोले अर्थतन्त्र सुधारको दिशा उन्मुख रहेको नेपाल राष्ट्र बैंकले जनाएको छ।
रेमिट्यान्स २४ प्रतिशतले बढेर ६ महिनामा ५ अर्ब ८५ खर्ब भित्रिएको छ। त्यस्तै वर्षभरि नै ऋणात्मक रहेको शोधनान्तर पुस मसान्तसम्म आइपुग्दा करिब उकालो लागेको छ। राष्ट्र बैंकको सोमबारको तथ्यांक अनुसार शोधनान्तर बचत ९७ खर्ब १० करोड रुपैयाँ छ।
चालु खाता घाटा भने यथावत् नै रहेको तथ्यांकमा उल्लेख छ। यस पटक २९ अर्ब ४७ करोड रुपैयाँ चालु खाता घाटामा रहेको छ। पोहोर ३५३ अर्ब १६ करोड घाटामा थियो। पुस मसान्तमा शोधानान्तर स्थिति ९७ अर्ब १० करोड रुपैयाँले बचतमा पुगेको छ।
यसअघि २०७७ फागुनमा शोधानान्तर स्थिति ९७ अर्ब ३६ करोड रुपैयाँले बचतमा थियो। आयातमा भएको गिरावटले विदेशी मुद्रा बाहिरिने क्रम रोकिँदा शोधानान्तर स्थिति २३ महिनायताकै राम्रो अवस्थामा पुगेको हो।
चालू आर्थिक वर्षको साउनमा शोधानान्तर स्थिति २२ अर्ब ६२ करोड रुपैयाँले घाटामा थियो। भदौमा पनि शोधनान्तर स्थिति थप १ अर्ब ४ करोड रुपैयाँले घाटामा भएपछि समग्र शोधानान्तर स्थिति २३ अर्ब ६७ करोडले घाटामा थियो।
असोजयता शोधनान्तर स्थिति निरन्तर बचतमा जाँदै अर्थतन्त्र सुधारतिर लागेको छ। असोजमा शोधनान्तर स्थिति १२ अर्ब ४२ करोड रुपैयाँले बचतमा हुँदा कात्तिकमा बचत बढेर २० अर्ब ३ करोड पुगेको थियो।
रेमिट्यान्स बढ्ने र आयात घट्ने क्रम निरन्तर बढ्दै गएपछि मंसिरमा शोधनान्तर स्थिति ४५ अर्ब रुपैयाँले बचतमा पुगेको थियो।
पुसमा अहिलेसम्मकै धेरै १ खर्ब ४ अर्ब रुपैयाँ रेमिट्यान्स आउनुका साथै आयात २० प्रतिशतले घटेपछि शोधानान्तर स्थिति ९७ अर्ब ९ करोड रुपैयाँले बचतमा पुगेको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
