काठमाडौं– नेकपा एकीकृत समाजवादी पार्टीका अध्यक्ष तथा पूर्वप्रधानमन्त्री माधवकुमार नेपालले सत्तारुढ गठबन्धनभित्र खटपट सुरु भइसकेको दाबी गरेका छन्।
ललितपुरको बालकुमारीस्थित एक ब्यांक्वेटमा शनिबारदेखि सुरु भएको पार्टी केन्द्रीय समितिको पाँचौं बैठकलाई सम्बोधन गर्दै अध्यक्ष नेपालले यस्तो बताएका हुन्।
उनले सत्तारुढ गठबन्धनले प्रधानमन्त्री पुष्पकमल दाहाल प्रचण्डलाई राष्ट्रपतिको निर्वाचनसम्म पनि थेग्नसक्ने अवस्था नरहेको दाबी गरेका छन्। उनले भने, ’प्रचण्डलाई कहिलेसम्म थेग्ने हो थाहा छैन। राष्ट्रपतिको चुनावसम्म थेग्ने होला। तर त्योभन्दा पहिले नै हामीले देखिरहेका छौं–खटपट सुरु भइसक्यो। यो राजनीतिक तरल अवस्था कहिलेसम्म कायम रहने हो? यसै भन्न सकिने अवस्था छैन।’
संसद्को रोस्टममा उभिएर संविधानको विरोध गर्नेहरु, राजतन्त्रको वकालत गर्नेहरु, संविधान कानुन र नियमको पालना नगर्नेहरु सरकारमा रहेको उल्लेख गर्नै उनले त्यसबाट नेपाली जनतामा निराशा छाएको दाबी गरे। रवि लामिछानेले नेतृत्व गरेको राष्ट्रिय स्वतन्त्र पार्टीप्रति संकेत गर्दै अध्यक्ष नेपालले जनताले उनीहरुको विरोधमा बोल्न थालेको बताए।
उनले भने, ‘संविधानको उल्लंघन गर्नेहरु सरकारको जिम्मेवारीमा बसिरहेका छन् भने त्यसले संकटको सन्देश दि्छ। त्यसैगरी जसले आफैंले संविधान, कानुन र नियमको पालना गर्दैन, आदर्शको उदाहरण प्रस्तुत गर्दैनन्, त्यस्ताले के दिन्छन् जनतामा सन्देश? यी सबै कुराहरुले गर्दा यो सरकारप्रति, अहिलेका मन्त्रीहरुप्रति मान्छे हिजझ आशावादी थिए, अहिले निराश हुन थालेका छन्। भोट दिएर जिताउनेहरु नै उनीहरुको विरोधमा बोल्न थालेका छन्।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763690829.png)
-1763559424.jpg)
