काठमाडौं– नक्कली जग्गा धनी पूर्जा (लालपूर्जा) बनाएर जग्गा हत्याउने प्रयास गरेको आरोप लागेका ५४ जना दोषी ठहर भएका छन्। मालपोत कार्यालय चाबहिलका तत्कालीन कर्मचारीसहित ५४ जनालाई विशेष अदालतले बिहीबार दोषी ठहर गरेको हो।
मालपोतका अधिकृतहरु चेतनाथ ढकाल, तिर्खाराम अर्याल, कम्युटर अधिकृत प्रमोद भट्टराई, नासु भोजराज पोखरेल, रामबाबु प्रसाद अर्याल, सुन्दर कुमार कार्की, उमेश पोखरेल, शिवराम पुडासैनी, कम्युटर अपरेटर लक्ष्मण प्रसाद खतिवडाविरुद्ध अख्तियार दुरुपयोग अनुसन्धान आयोगले मुद्दा चलाएको थियो।
त्यसैगरी, राजेन्द्र बस्नेत, होम बहादुर बिष्ट, राजु थापा, काजीलाल श्रेष्ठ, हरिभक्त श्रेष्ठ, टिकानारायण श्रेष्ठ, मोहनमाया श्रेष्ठ, हरिनारायण श्रेष्ठ, हरिलाल श्रेष्ठ, चेतबहादुर मिजार, श्रीकृष्ण नगरकोटी, पुरुषोत्तम था श्रेष्ठ, घनश्याम कार्की, रामहरी ढकाल, रामबाबु ढकाल, रामेश्वर ढकाल, धर्म महर्जन, श्याम बहादुर मिजार, काजीलाल श्रेष्ठ, भरत कारंजित, प्रेम बहादुर कार्की, मदन बहादुर थापा, श्याम सुन्दर दाहाल, विश्वनाथ लामिछाने, कृष्ण प्रसाद लामिछाने, राम प्रसाद लामिछाने, उमा देवी गुरुवाचार्य, उज्वल थापा श्रेष्ठ, लिला कुमारी रेग्मी धिमाल, दुर्गालाल श्रेष्ठ, धुर्वराम श्रेष्ठलगायत ५५ जनालाई विपक्षी बनाउँदै अख्तियारले २०७४ भदौ १४ गते विशेष अदालतमा मुद्दा दर्ता गरेको थियो।
मुद्दा चलाइएका मध्ये दीप्ती घिमिरेबाहेक ५४ जनालाई अदालतले दोषी ठहर गरेको छ। अदालतका न्यायाधीशहरु श्रीकान्त पौडेल, यमुना भट्टराई र खुशीप्रसाद थारुको इजलासले उनीहरुलाई दोषी ठहर गरेको हो।
आरोपित सबै ५४ जनालाई नै जनही ६ महिना कैद र २५ हजार रुपैयाँ जरिवानाको फैसला भएको विशेष अदालतका प्रवक्ता दिपेन्द्रनाथ योगीले बताए।
उनीहरुले काठमाडौंको साविक गोठाटार, बालुवा, मुलपानी, विष्णु गाविसका जग्गाहरु गैरकानुनी श्रेस्ता तयार गरी विक्रि वितरण गरेको तथा गर्न लागेको पाइएको अख्तियारले जनाएको थियो।
अव्यवस्थित जग्गाहरुको गैरकानुनी श्रेस्ता तयारी गरी प्रलोभनमा पारी जग्गा धनीहरुसँग मिलमतो गरी हडप्न खोजेको आरोप लागेको थियो।
यस्तो थियो अख्तियारले दायर गरेको आरोपपत्र :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778036869.gif)
-1764146706.png)
-1779545841.jpg)
