बैंकिङ कसुरको मुद्दामा १ करोड १९ लाख बढी जरिवाना तोकिएका प्रतिवादी पक्राउ

सुरक्षा/अपराध

नेपाल लाइभ बिहीबार, माघ १९, २०७९ १७:४७

काठमाडौं– बैंकिङ कसुरको मुद्दामा दोषी ठहर भइ १ करोड १९ लाख बढी जरिवाना तोकिएका प्रतिवादीलाई प्रहरीले पक्राउ गरेको छ।

पक्राउ पर्नेमा सिन्धुलीको कमलामाइ नगरपालिका–१७ घर भइ काठमाडौंको शान्तिनगर बस्ने ४३ वर्षीय भुवन बहादुर माझी छन्।

माझीलाई उच्च अदालत पाटनले २८ भदौ २०७९ मा बैंकिङ कसुरको मुद्दामा दोषी ठहर गरेको थियो। अदालतले माझीबाट १ करोड १९ लाख ७३ हजार ६०० रुपैयाँ बिगो असुल गर्न आदेश जारी गरेको थियो।

अदालतको आदेशपछि पनि फरार रहेका उनलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले काठमाडौंको बानेश्वरबाट पक्राउ गरेको हो। पक्राउ परेका माझीलाई काठमाडौं जिल्ला अदालतमा उपस्थित गराइएको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बच्चाहरूमा कलेजो रोगका प्रारम्भिक संकेतहरू

चिया खाएर पैसा तिर्ने विवादमा आफ्नै साथीको खुकुरी हानी हत्या

एकीकृत समाजवादी ३२ लाख रुपैयाँ घाटामा,के के छन् मुख्य आम्दानीको स्रोत ?