अर्थतन्त्रमा देखिएका समस्या समाधान गर्न खर्च कटौती पर्याप्त छैन : अर्थमन्त्री पौडेल

अर्थ समाचार

नेपाल लाइभ बुधबार, माघ १८, २०७९ २१:४०

काठमाडौं– अर्थमन्त्री विष्णु पौडेलले सरकारले मंगलबार सार्वजनिक गरेको खर्च कटौती प्रस्तावले अर्थतन्त्रमा देखिएका समस्या समाधान गर्न पर्याप्त नरहेको बताएका छन्।

आर्थिक मिडिया सञ्चालक संघले आयोजना गरेको 'अर्थतन्त्रका चुनौती र समाधानका उपाय' विषयक अन्तरक्रिया कार्यक्रममा बोल्दै मन्त्री पौडेलले उक्त कुरा बताएका हुन्।

‘सरकारले मंगलबार सार्वजनिक गरेको खर्च कटौतीले मात्र आजका समस्या समाधान गर्दैन त्यसकारण अझ अघि बढेर आवश्यक निर्णय गर्न सुझाव आएका छन्। ‘हिजोको निर्णय समस्या समाधानका लागि पर्याप्त छैन। म आफैँ त्यसमा सहमत छु। अरु प्रभावकारी कदम चाल्न जरुरी छ। हामीले कुन दिशातर्फ सोचेका छौँ भन्ने मात्र जनाएको हो,’ मन्त्री पौडेलले भने, ‘हिजोको निर्णय आउने दिनमा राज्यको खर्च कटौतीको सन्दर्भमा प्रभावकारी निर्णय लिँदै जान्छौँ भन्नेतर्फ जानलाई आरम्भ हो।’

उक्त कार्यक्रममा बैंकर मनोज ज्ञवालीले कार्यपत्र प्रस्तुत गरेका थिए।

अर्थ मन्त्रालयद्वारा मंगलबार मात्र खर्च कटौती र खर्च रोक्का गर्न १४ बुँदे निर्देशन गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विदेशी निकाय र एनजिओबाट कति पैसा नेपाल आयो सदनलाई जानकारी गराउन माग

नेपाल सरकारका अधिकृत श्यामले ल्याए नयाँ गीत ‘फूलको रङ्ग’

खाँदबारी–किमाथाङ्का सडक सुक्खा पहिरोले अवरुद्ध