तोलामा ५०० रुपैयाँले घट्यो सुनको मूल्य, चाँदीको यथावत्

अर्थ समाचार

नेपाल लाइभ मंगलबार, माघ १७, २०७९ १२:०८

काठमाडौं– साप्ताहिक कारोबारको तेस्रो दिन आज (मंगलबार) नेपाली बजारमा पहेँलो धातु (सुन)को मूल्य घटेको छ। मंगलबार सुनको मूल्य तोलामा ५०० रुपैयाँले घटेको नेपाल सुनचाँदी व्यवसायी महासंघले जनाएको छ।

तोलामा ५०० रुपैयाँले घटेपछि मंगलबार छापावाल सुनको मूल्य प्रतितोला १ लाख ५ हजार ८०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ५ हजार ३०० रुपैयाँ कायम भएको छ।

यसअघि सोमबार भने सुनको मूल्य तोलामा ३०० रुपैयाँले बढेको थियो। सोमबार छापावाल सुन प्रतितोला १ लाख ६ हजार ३०० र तेजाबी सुन प्रतितोला १ लाख ५ हजार ८०० रुपैयाँमा किनबेच भएको थियो।

मंगलबार चाँदीको मूल्य भने यथावत् रहेको छ। मंगलबार पनि सोमबारको जस्तै चाँदी प्रतितोला १ हजार ३६५ रुपैयाँमा किनबेच भइरहेको महासंघले जनाएको छ। सोमबार पनि चाँदीको मूल्यमा कुनै फेरबदल आएको थिएन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सिरहामा प्रहरी हिरासतबाटै थुनुवा फरार

युक्रेनका लागि युद्धविराम ’राहत’ मात्र हुने पुटिनका सहयोगीको भनाइ

युरोपमा सन् २०२४ मा दादुराका बिरामी दोब्बर, २५ वर्षयताकै उच्च : डब्लुएचओ