काठमाडौं– दक्षिण भारतीय सिनेमाका स्टार रजनीकान्त सधैं चर्चामा रहिरहन्छन्। उनले आफूलाई एक समय चुरोट, मदिरा र मांसाहारी खानेकुराको लत लागेको बताएका थिए।
२६ जनवरीमा तमिल नाटक चारुकेसीको सेलिब्रेशनमा ७२ वर्षीय रजनीकान्तलाई मुख्य अतिथिका रूपमा बोलाइएको थियो। सो क्रममा रजनीले नाटकका निर्देशक तथा अभिनेता वाइजी महेन्द्रनको तारिफ र धन्यवाद ज्ञापन गरे।
रजनीकान्तले भने, ‘पत्नी लतासँग मेरो परिचय गराउने वाय जी महेन्द्रनप्रति सधैं ऋणी रहनेछु। जब म कन्डक्टर थिएँ, म हरेक दिन रक्सी पिउँथें। म हरेक दिन यति धेरै चुरोट पिउँथें कि म गणना गर्न सक्दिनँ।’
उनले थपे, ‘मेरो दिनको सुरुवात मांसाहारी खानाबाट हुन्थ्यो। दिनमा कम्तीमा दुई पटक नन-भेज खाना खान्थें। मलाई शाकाहारी देख्दा नराम्रो लाग्थ्यो। तर यी तीन (रक्सी, चुरोट र मांसाहारी) खाना) एक घातक कम्बिनेसन हो।’
रजनीकान्तले भने, ‘मलाई विश्वास छ कि यी तीनवटा कुरा लामो समयसम्म सेवन गर्ने व्यक्ति ६० वर्षको उमेरपछि स्वस्थ रहन सक्दैन। ममाथि मायाको वर्षा गरेर मलाई परिवर्तन गर्ने मेरी श्रीमती नै हुन्। उनले मलाई अनुशान दिइन्। जीवन कसरी जिउने भनेर सिकाइन्।’
रजनीकान्तले आन्ध्र प्रदेशको तिरुपतिमा २६ फेब्रुअरी १९८१ मा लता रंगाचारीसँग विवाह गरेका थिए। लता रंगाचारी चेन्नईको इथिराज कलेज फर वुमनकी विद्यार्थी थिइन् र उनले विवाहअघि कलेज म्यागजिनका लागि रजनीकान्तसँग अन्तरवार्ता लिएकी थिइन्।
रजनीकान्त र लताका दुई छोरी ऐश्वर्या रजनीकान्त र सौन्दर्या रजनीकान्त छन्। सौन्दर्या तमिल फिल्म उद्योगमा निर्देशक, निर्माता र ग्राफिक्स डिजाइनरको रूपमा काम गर्छिन्। उनले उद्योगपति अश्विन रामकुमारसँग विवाह गरेकी थिइन्, जससँग उनको सम्बन्धविच्छेद भएको थियो। यसै क्रममा ऐश्वर्याले तमिल फिल्मका सुपरस्टार धनुषसँग विवाह गरिन्।
रजनीकान्त अन्तिम पटक २०२१ मा रिलिज भएको तमिल फिल्म 'अन्नाथे' मा देखिएका थिए। उनको आगामी फिल्म ‘जेलर’ यही वर्ष रिलिज हुन सक्छ। हाल, यसको आधिकारिक रिलिज मिति खुलासा गरिएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771347882.jpg)
-1764146706.png)
