काठमाडौं– बाजुरामा १ जना गर्भवतीको मृत्यु भएको छ। जिल्लाको बडीमालिका नगरपालिका-१ पिनालेककी २६ वर्षीया गर्भवती जानकी विकको मृत्यु भएको हो।
जानकीलाई पेट दुख्ने समस्या देखिएपछि गत शनिबार जानकीलाई जिल्ला अस्पताल बाजुरा ल्याइएको थियो। मुटुसम्बन्धी रोगबाट समेत ग्रसित उनको जिल्लामा उपचार असम्भव भएको भन्दै जिल्ला अस्पताल बाजुराले अन्यत्र लैजान सिफारिस गरेको थियो।
भारतमा काम गर्ने श्रीमान रमेशले जानकारीलाई उपचारका लागि दिल्ली लैजाने भन्दै बाजुराबाट हिँडेका थिए। सुरुमा उनलाई लैजान एम्बुलेन्सको खोजी गरेपनि नपाएपछि बसमै कञ्चनपुरका लागि हिँडेका थिए।
कञ्चनपुर जाने बसमा सवार जानकीलाई अछामो चौखुट्टै पुगेपछि पेट दुख्ने समस्या पुन: दोहोरिएपछि बाटोबाटै अछामको बयलपाटा अस्पताल पुर्याइएको थियो। अस्पताल पुर्याउने बित्तिकै चिकित्सकले उनलाई मृत घोषणा गरेका थिए।
जिल्ला अस्पताल बाजुराका सूचना अधिकारी नृपराज गिरीले उपचारमा ढिलाइ भएकाले जानकीको मृत्यु हुनसक्ने बताए।
‘चैतमा सुत्केरी हुँदैहुनुहुन्थ्यो, हामीले उपचारका लागि भारत या सुविधासम्पन्न अस्पताल लैजान सिफारिस गरेका थियौँ,’ उनले भने, ‘ढिलो गरी लैजाँदा गर्दा बाटोमा गाह्रो भएपछि अछामको बयालपाटा अस्पताल लैजाने क्रममा बाटोमै मृत्यु भएको जानकारी पाएका छौँ।’
बयलपाटा अस्पतालमा कार्यरत अहेव भवानी ढुङ्गानाले विकको अस्पताल आउनु अघि बाटोमै मृत्यु भइसकेको र बच्चा पनि पेटमै मृत्यु भइसकेको जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
