प्यूठानमा महिलालाई बेहोस बनाएर ३ लाख नगद र सुन चोरी

सुरक्षा/अपराध

नेपाल लाइभ मंगलबार, माघ १०, २०७९ १०:४५

प्यूठान– प्यूठानमा महिलालाई बेहोस बनाएर ३ लाख नगद र सुन चोरी भएको छ।

जिल्लाको झिमरुक गाउँपालिका-५ ओखरकोट ढाड बजारमा सोमबार साँझ ७ बजेतिर स्थानीय पदम खड्काको घरमा चोरी भएको हो।

घरमा पदमकी बुहारी संगीता खड्का मात्र थिइन्। उनको मुखमा नशालु पदार्थको स्प्रे छरी बेहोस बनाएर ८ तोला सुन, तीन लाख रुपैयाँ नगद, एक थान टिभी, ल्यापटप र मोबाइल चोरी भएको प्रहरीले जानकारी दिएको छ।

टिभी र ल्यापटप घर नजिकैको नेशनल बोर्डिङ स्कुल नजिकै फेला परेको पीडित खड्काले जानकारी गराए।

अपरिचित व्यक्तिको समूह बुहारी मात्र भएको मौका हेरेर घरभित्रै पसेको खड्काले बताए। पदमसहित उनकी श्रीमती र छोरा दाजुभाइका घरमा गएका थिए।

संगिता घरमा चिच्याएपछि स्थानीयले चोर पसेको जानकारी पाएका थिए। बेहोस भएकी खड्काको जिल्ला अस्पताल बिजुवारमा उपचार भइरहेको छ।

यता जिल्ला प्रहरी कार्यालय प्यूठानले घटनाबारे जानकारी आएपछि अनुसन्धान थालेको जनाएको छ । प्यूठानमा पछिल्लो समय श्रङ्खलाबद्ध चोरीका घटना बढेपनि लुटपाटमा संलग्नहरुलाई प्रहरीले पक्राउ गर्न सकेको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु