सेयर बजारमा दोहोरो अंकको गिरावट, कारोबार रकम पनि घट्यो

बैंक/बिमा/सेयर

नेपाल लाइभ सोमबार, माघ ९, २०७९ १६:२९

काठमाडौं– साताको पहिलो कारोबार दिन आज (सोमबार) सेयर बजारमा दोहोरो अंकको गिरावट आएको छ। सोमबार सेयर बजार परिसूचक (नेप्से) १३.७१ अंकले घटेर २१६५.१० विन्दुमा पुगेको छ।

त्यस्तै, सेन्सेटिभ इण्डेक्स २.०५ अंकले घटेको छ भने फ्लोट इण्डेक्स ०.९१ अंक र सेन्सेटिभ फ्लोट इण्डेक्स ०.६५ अंकले घटेको छ।

सोमबार कारोबारमा आएका २५७ कम्पनीको १ करोड ७ लाख ५९ हजार कित्ता सेयर ३ अर्ब ८६ करोड ४० लाख रुपैयाँमा किनबेच भएको नेपाल स्टक एक्सचेञ्जले जनाएको छ।

सोमवार नेप्से परिसूचक सँगै कारोबार रकम पनि घटेको छ। अघिल्लो कारोबार दिन करिब ५ अर्बको सेयर खरिदबिक्री भएको थियो।

सोमबार कारोबारमा आएका १३ उप समूहमध्ये २ उपसमूहको परिसूचक बढेको छ भने बाँकी ११ उपसमूहको परिसूचक घटेको छ। बैंकिङ उपसमूहको परिसूचक १५.१६ र म्युचुअल फण्डको १५.०६ अंकले बढ्यो।

विकास बैंक, होटल तथा पर्यटन र जलविद्युत उपसमूहको परिसूचक २ प्रतिशतभन्दा बढी घटेको छ।

नेप्सेमा गिरावट आए पनि ५ कम्पनीको सेयर सकारात्मक सर्किट लेभलमा कारोबार भएको छ। आदर्श लघुवित्त वित्तीय संस्था, सानिमा जिआईसी इन्स्योरेन्स, कुमारी बैंक, स्ट्याण्डर्ड चार्टर्ड बैंक र समृद्धि फाइनान्सको सेयर सकारात्मक सर्किट लेभलमा कारोबार भएको हो।

त्यस्तै, पिपुल्स हाइड्रोपावर र मैलुङ्ग खोला जलविद्युत कम्पनीको सेयरमूल्य ८ प्रतिशतभन्दा बढी बढेको छ।

सोमबार कारोबार रकमा आधारमा कुमारी बैंक अग्र स्थानमा रह्यो। बैंकको २७ करोड ४८ लाख रुपैयाँ बराबरको सेयर खरिदबिक्री भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भ्रष्टाचारमा दोषी ठहर भएका पूर्वमन्त्री श्रेष्ठ विशेषको फैसलाविरुद्ध पुगे सर्वोच्च

रविको मुद्दामा न्यायिक प्रक्रियालाई सघाउने रास्वपाको निर्णय

रवि लामिछाने सांसदबाट निलम्बित