काठमाडौं– राष्ट्रिय स्वतन्त्र पार्टी (रास्वपा)ले ‘म्यान पावर’ व्यवसायी डोलप्रसाद अर्याललाई श्रममन्त्री बनाएको छ।
अर्याल सृष्टि अभोरसिज प्रालिका सञ्चालन समितिका सदस्य हुन्। उनी उक्त प्रालिको इन्टरनेसनल मार्केटिङ डाइरेक्टर हुन्।
यस्तै अर्याल रेमिट्यान्स सञ्चालक पनि रहेको पाइएको छ। उनी इजिलिङ्क रेमिट्यान्स कम्पनीका सञ्चालक हुन्।
रास्वपाबाट समानुपातिक संसद् बनेका अर्यालले श्रम, रोजगार तथा सामाजिक सुरक्षा मन्त्रालयको जिम्मा पाएका हुन्।
रेमिट्यान्स कम्पनी कम्पनीको ब्रान्ड एम्बेसडरको रूपमा पार्टी सभापतिसमेत रहेका उपप्रधान तथा गृहमन्त्री रवि लामिछाने भएको कम्पनीको सामाजिक सञ्जालमा उल्लेख गरिएको छ।
विज्ञता अनुसारको मन्त्रालय दिने प्रचार गर्दै आएको रास्वपाले म्यानपावर व्यवसायी र रेमिट्यान्स कम्पनीका मालिकलाई श्रम मन्त्रालयको जिम्मा दिएको पाइएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771566457.png)
