तोलामा १०० रुपैयाँले घट्यो सुनको मूल्य

अर्थ समाचार

नेपाल लाइभ मंगलबार, माघ ३, २०७९ ११:१७

काठमाडौं– साप्ताहिक कारोबारको तेस्रो दिन आज (मंगलबार) नेपाली बजारमा पहेँलो धातु (सुन)को मूल्य सामान्य घटेको छ। नेपाल सुनचाँदी व्यवसायी महासंघका अनुसार मंगलबार सुनको मूल्य तोलामा १०० रुपैयाँले घटेको हो।

तोलामा १०० रुपैयाँ घटेपछि मंगलबार छापावाल सुनको मूल्य प्रतितोला १ लाख ५ हजार १०० रुपैयाँ कायम भएको छ। यस्तै, तेजाबी सुनको मूल्य प्रतितोला १ लाख ४ हजार ६०० रुपैयाँ कायम भएको छ।

यसअघि सोमबार भने सुनको मूल्य प्रतितोला २०० रुपैयाँले बढेको थियो। सोमबार छापावाल सुन प्रतितोला १ लाख ५ हजार २०० रुपैयाँ र तेजाबी सुन प्रतितोला १ लाख ४ हजार ७०० रुपैयाँमा किनबेच भएको थियो।

मंगलबार चाँदीको मूल्य पनि तोलामा १० रुपैयाँले घटेर प्रतितोला १ हजार ३९० रुपैयाँ कायम भएको छ। सोमबार भने चाँदी प्रतितोला १ हजार ४०० रुपैयाँ प्रतितोलामा किनबेच भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मापसे गरेर ड्यूटीमा रहेका प्रहरी कुट्ने विद्यार्थी नेता धरौटी बुझाएर छुटे

हाम्रो साथले कहिले कांग्रेस, कहिले एमाले ठूलो पार्टी बनिरहे, अब गल्ती दोहोर्‍याउँदैनौं : प्रचण्ड

स्वास्थ्य बीमा हटाउने होइन, व्यवस्थित गर्ने हो –मन्त्री पौडेल