खोटाङमा हराइरहेकी बालिका मृत भेटिइन्

समाचार

नेपाल लाइभ सोमबार, माघ २, २०७९ १३:५७

काठमाडौं- हलेसी तुवाचुङ नगरपालिका-७, महादेवस्थान काभ्रेकी १७ वर्षीय रञ्जिता दाहाल सोमबार बिहान मृत फेला परेकी छन्। आइतबार दिउँसो विद्यालयबाट घर फर्कने क्रममा सम्पर्कविहीन बनेकी बालिका मृत भेटिएकी हुन्।

खोजीको क्रममा खन्युको फेदमा पासो चुँडिएर खसेको अवस्थामा सोमबार बिहान मृत फेला परेको खोटाङ जिल्ला प्रहरी कार्यलयका प्रहरी नायब उपनिरीक्षक मञ्जिल मुकारुङले जानकारी दिए।

माघ ३ गते विद्यालयमा हुने कार्यक्रमको तयारीका लागि आइतबार साथीसँग विद्यालय गएर फर्किने क्रममा उनी हराएकी थिइन्। घट्नास्थलमा पातलो सलको टुक्रा घाँटीमा र एक टुक्रा सल रुखको हाँगामा रहेको अवस्थामा शव भेटिएको वडाध्यक्ष कमल गिरीले बताए।

ओठ, आँखा, घाँटीमा चोट देखिएकाले घटनालाई शंकास्पद हुनसक्ने वडाध्यक्ष गिरीले बताए।

बालिकाको शव पोष्टमार्टमका लागि जिल्ला अस्पताल दिक्तेल ल्याएर घटनाको वियषयमा अनुसन्धान भइरहेको प्रहरी नायब उपनिरीक्षक मुकारुङले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा