गुल्मी– रेसुङ्गा विमानस्थल गुल्मीमा गरिएको प्रदर्शन उडान सफल भएको छ। आज बिहान १२ बजे तारा एयरको ९ एनएएल ओ विमानले सफतापूर्वक रेसुङ्गा विमानस्थलमा अवतरण गरेको हो।
२०६३ सालदेखि निर्माण सुरु भएको विमानस्थल १६ वर्षपछि २०७९ मा सम्पन्न भएको हो। गुल्मीको सिमिचौरमा निर्माण भएको रेसुंङ्गा विमानस्थलमा आइतबार ‘प्रुभिङ फ्लाइट’ भएको छ।
तारा एयरको नाइन–एन–एएलओको ट्विनअटर जहाज पाइलट सन्जिब श्रेष्ठ र सन्तोषकुमार शाहले काठमाडौंको त्रिभुवन अन्तर्राष्ट्रिय विमानस्थलबाट रेसुंङ्गा विमानस्थलमा सफल उडान गरेका हुन्।
धुले उडान भएको चार वर्षपछि पक्की धावनमार्गमा ‘प्रुभिङ फ्लाइट’ गरिएको तारा एयरले जनाएको छ। यसअघि २५ जेठ ०७५ मा तारा एयरले नै कच्ची धावनमार्गमा सफलतापूर्वक परीक्षण उडान गरेको थियो। गुल्मी–काठमाडौंको हवाई समय ५० मिनेट लाग्ने र भाडा अहिले आठ÷नौ हजारको बीचमा हुने तारा एयरका प्रवक्ता सुदर्शन बर्डौलाले जानकारी दिए।
उनले अपिस सेट र अरु प्राविधिक काम सकेपछि दुई हप्तापछि नियमित उडानको योजना भएको बताए। अब गुल्मीमा नियमित उडानको लागि तारा एयर सहमत भएको र अबको २ सातापछि बढीमा हप्ताको १ पटक उडान हुने बर्डौलाले बताए।
उनका अनुसार गुल्मीबाट काठमाडौंसम्म पुग्नको लागि ८–९ हजार रुपैयाँसम्म लाग्ने बार्डौलाको भनाइ छ। उडानको खर्च रेसुङ्गा नगरपालिकाले ब्यहोर्ने गरेर र ‘प्रुभिङ फ्लाइट’ गरिएको रेसुङ्गा नगरपालिकाका प्रमुख खिलध्वज पन्थीले जानकारी दिए। अब गुल्मेली जनताको जहाज चढ्ने सपना साकार भएको र अब नियमित रुपमा जहाज सञ्चालन हुने नगरप्रमुख पन्थीले बताए।
जहाज बिहान १२ बजे सफल अवतरण गरेको हो। ‘प्रुभिङ फ्लाइट’मा जिल्लाको जम्बो टोली रेसुङ्गा विमानस्थल आएका थिए। गुल्मी क्षेत्र नं १ बाट निर्वाचित सांसद चन्द्र भण्डारी, एमाले उपमहासचिव प्रदीप ज्ञवाली, नेकपा एसकी सचिव रामकुमारी झाँक्री, प्रदेश सांसद धनेन्द्र कार्की, रेसुंगा नगरपालिकाका मेयर खिलध्वज पन्थी, प्राधिकरणका कर्मचारी लगायतका व्यक्ति जहाजमा आएका थिए।
‘डेमो फ्लाइट’ गर्नका लागि क्यानले तारा एयरलाई २२ पुसमा अनुमति प्रदान थियो। गुल्मेली नागरिकले जहाजको नियमित उडानको प्रतिक्षामा एक दश बिताए। अहिले यसरी जहाज आउँदा गुल्मेली जनतामा उत्साह छाएको छ।
कूल १५६ रोपनी जग्गामा फैलिएको विमानस्थलमा हालसम्म विमानस्थल निर्माणमा ३३ करोड बढी रकम खर्च भइसकेको रेसुङ्गा विमानस्थल गुल्मीका सहायक आयोजना प्रमुख दिनेश परियारले बताए। रेसुङ्गा विमानस्थल निर्माणको लागि मुआब्जा दिने गरी १४ घर विस्थापित र २८ घर परिवारको जग्गा अधिग्रहण गरिएको छ।
रेसुङ्गा विमानस्थलबाट गुल्मी लगायत छिमेकी जिल्ला अर्धाखाँची, प्यूठान, बाग्लुङ्ग र पाल्पाका यात्रुहरुले सेवा लिनेछन्। गुल्मीदेखि राजधानी जाने समय १४ घण्टाबाट छोटिएर ४५ मिनेट हुने भएपछि स्थानीयले छिटो नियमित सञ्चालनको आशा राखेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1764146706.png)
