गुल्मी– राष्ट्रिय स्वतन्त्र पार्टीका उपसभापति एवम् सांसद डोलप्रसाद अर्यालले अहिले पनि खोलाबाट बस्तीमा पानी ल्याउँदा त्यसलाई नै ठूलो उपलब्धि सम्झेर उत्सव मनाउने अवस्था भएको बताएका छन्। पार्टीको संगठन विस्तारको कार्यक्रममा गुल्मी पुगेका पूर्वमन्त्री समेत रहेका अर्यालले पत्रकार भेटघाट कार्यक्रममा भौतिक विकासभन्दा पनि जनताको स्वस्थ्य, शिक्षा लागायतको विषय महत्त्वपुर्ण भएको बताए।
‘हामी कुनै खोलाबाट बस्तीमा पुर्यायौँ भने पनि ठूलै उत्सव मनाउनु पर्ने अवस्थामा छौँ, जुन कुरा २१ औं सताब्दीमा सुन्न पनि लायक विषय होइन,’ अर्यालले भने।
अन्य राजनितिक दलहरुको तुलनामा रास्वपामाथि जनताको ठूलो अपेक्षा रहकोले त्यस्तो अपेक्षमा कुठारापात हुन नदिने उनको भनाइ छ।
सञ्चारकर्मीले सोधेको प्रश्नको जवाफमा अर्यालले नागरिकसम्बन्धी विधेयकको सन्दर्भमा आफूहरुलाई विवादमा तानिएको बताए। आफूहरु नागरिकता विधेयक पास हुनुहुन्न पक्षमा नरहेको उनको भनाइ थियो।
‘सबैभन्दा पहिला यो देशको नागरिकता विधेयक ल्याउनुपर्छ र नयाँ सदनले छिटो ल्याएर यसलाई पारित गर्नुपर्छ भनेर पार्टी खोल्नेवित्तिकै भनेका छौँ। यसकारण यस विधेयकका विषयमा हामीलाई विवादमा तान्ने प्रयास गरिएको हो,’ अर्यालले भने।
रास्वपा आगामि निर्वाचनमा पनि एक्लै चुनावी मैदानमा उत्रने भन्दै अर्यालले अरु पार्टी एकतिर भए पनि रास्वपा एक्लै चुनाव लड्ने बताए। ‘जनताले रास्वपालाई चाहँदैनन् भने रास्वपा आवश्यक छैन्, यो पार्टी जनताको लागि भनेर आएको हो,’ अर्यालले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
