निलम्बन फुकुवाको पत्र षड्यन्त्रमूलक छ, यसलाई अस्वीकार गर्छौं : पूर्णमान शाक्य

राजनीति

नेपाल लाइभ बुधबार, मंसिर २१, २०७९ १४:०३

काठमाडौं– महाभियोग लागेर निलम्बित रहेका प्रधानन्यायाधीश चोलेन्द्र शमसेर राणाविरुद्धको निलम्बन पत्र निष्क्रिय पार्ने संसद् सचिवालयको कामलाई सर्वोच्च बारका अध्यक्ष पूर्णमान शाक्यले षड्यन्त्रमूलक भएको बताएका छन्।

संसद् सचिवालयले बुधबार एक पत्रमार्फत् राणाविरुद्ध दर्ता भएको महाअभियोग प्रस्ताव निष्क्रिय भएको बताएको थियो। उनले छानबिन समितिको प्रतिवेदन संसद्‌लाई बुझाइसकेपछि अधिवेशन बस्नै लाग्दा सचिवालयबाट यसरी पत्र आउनु षड्यन्त्रमूलक भएको उनले टिप्पणी गरे।

‘महाअभियोग छानबिन समितिको प्रतिवेदन संसद्लाई बुझाइसकेपछि अधिवेशन बस्नै लाग्दा सचिवालयबाट यसरी पत्र आउनु भनेको षडयन्त्रमूलक कुरा हो। यो कानुन र संविधान अनुसार छैन। संविधानले महाअभियोगको प्रक्रियामा गइसकेपछि त्यसमा संसद्ले कुनै निर्णय नगरी फुकुवा हुँदैन भने प्रष्ट व्यवस्था गरेको छ,’ सञ्चारकर्मीसँग कुरा गर्दै शाक्यले भने, ‘सचिवालयको यो षड्यन्त्रमूलक कार्य हामीलाई स्वीकार्य छैन। यो कुराले मान्यता पाउन सक्दैन। हामी अदालतमा प्रवेश गर्न दिँदैनौं।’

राणाविरुद्ध २०७८ फागुन १ गते संसद्‌मा महाअभियोग प्रस्ताव दर्ता भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च