बैतडी– मंसिर १४ गते दिउँसो १ः ३० बजेको समयमा बैतडीको पञ्चेश्वर गाउँपालिका–४ लामा डाँडास्थित फेउली बस्ने १५ वर्षीया नेहा लुहार घाँटीको अगाडिको भागमा धारिलो हतियारले काटिइ गम्भीर घाइते अवस्थामा फेला परिन्। स्थानीयको खबरपछि घटनास्थल पुगेको प्रहरीले तत्काल उद्धार गरि प्राथमिक स्वास्थ्य केन्द्र मेलौली पुर्यायो।
त्यहाँ उनको सामान्य उपचार भयो। उपचारकै क्रममा प्ररहरीले घटनाबारे सोधपुछ गर्यो। नेहाले आफूसँगै रहेकी माया लुहारको हत्या भएको र हत्यारा भरतराम कोली फरार भएको बताइन्। नेहाको सूचनापछि पुगेको प्रहरी र स्थानीयको टोलीले साँझ ४ : ३० बजे शिवनाथ गाउँपालिका–६, ओल्याखोख्डानी ठूलो खोला सामुदायिक वनमा मायाको धारिलो हतियारले घाँटी रेटिएको अवस्थामा शव फेला पार्यो।
भरतरा कोलीले हत्या गरेको नेहाले बताएपछि कोलीको खोजीका लागि सबै प्रहरी युनिमा खबर गरियो। घटनाको पाँच दिनपछि आइतबार कोही कञ्चनपुरको भीमदत्त नगरपालिका–४ महेन्द्रनगरबाट पक्राउ परे। आइतबार राति नै बैतडी पुर्याइएका बोलीलाई प्रहरीले सोमबार पत्रकार सम्मेलन गरेर सार्वजनिक गरेको छ ।
अभियुक्त कोलीबिरुद्ध मायाका दाजुले मंसिर १५ गते नै जिल्ला प्रहरी कार्यालय बैतडीमा किटानी जाहेरी दिएका थिए। कोलीमाथि अनुसन्धान गर्न बैतडी जिल्ला अदालतले सोमबार प्रहरीलाई १० दिनको म्याद थप दिएको छ।
अरुसँग पनि प्रेमको शंकापछि मोबाइ खोसे, मोलाइ लिन बोलाएर हत्या गरे
कोली मंसिर ७ गते सशस्त्र प्रहरी बल नेपाल हुल तथा दंगा व्यवस्थापन तालिम शिक्षालय, पोखरा कास्कीबाट घरबिदामा आई मंसिर ९ गते आफनो घर पुगेका थिए। शिवनाथ गाउँपालिका–४ सोल्पलाका उनी मंसिर १० गते आफ्नौ घरमा बसी ११ गते मायालाई भेट्न पुगेका थिए।
मायासँग पञ्चेश्वर–४ आमचोरास्थित बाटोमा भेटेर कुराकानी गरेका थिए। कुराकानीपछि भरतरामले मायाको साथमा भएको मोबाइल खोसेका प्रहरीले बताएको छ।
त्यसपछि उनले १३ गते मायालाई मोबाइल लिन आउनु भनि कोलीले शिवनाथ–४ ओल्या ओख्डानी ठूलो खोला सामुदायिक वनमा बोलाएका थिए।
त्यसपछि माया आफ्नी भतिजी नेहासँगै भरतरामलाई भेट्न गएको प्रहरीको अनुसन्धानबाट खुलेको छ। भेटमा भरतले मायाले अरुसँग पनि प्रेम गर्ने गरेको आशंक गरेको, अनेक लाञ्छना लगाएको, दुवै जनाबीच विवाद भएको र त्यसपछि उक्त घटना घटेको प्रहरीले बताएको छ।
नेहाले घटनाबारे अरुलाई बताउने डरले उनीमाथि ज्यान मार्ने नियतले घाँटीमा चक्कु प्रहार गरि गम्भीर घाइते बनाएको बैतडीका प्रहरी प्रमुख डीएसपी प्रेमबहादुर शाहीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772253460.png)
-1764146706.png)
-1772170907.png)
