काठमाडौं– दार्चुलामा भारतीय पक्षले एकतर्फी रुपमा गरेको निर्माण सम्बन्धी विवादमा नेपाल सरकारले टिप्पणी गरेको छ।
सरकारका प्रवक्ता ज्ञानेन्द्रबहादुर कार्कीले भारतसँगको सीमामा देखिएको समस्या कूटनीतिक पहल गरेर हल गर्ने बताएका छन्।
बालुवाटारमा बसेको सत्ता गठबन्धनको बैठकपछि पत्रकारहरूसँग कुरा गर्दै उनले यस्तो बताएका हुन्। आइतबार महाकाली नदीमा विवाद हुँदा नेपालीहरुले पुलमा ताला लगाएर विरोध गरेका थिए। उक्त क्षेत्रमा केहीबेर झडप पनि भएको थियो।
सदरमुकाम खलंगामा रहेको नेपाल–भारत सीमा पुलमा बिहानै भारतीय पक्षले बन्द गरेको थियो। उक्त क्षेत्रमा भारतले नेपाली भूमि मिचेर निर्माणको काम गरिरहेको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
