बयर खान गएका फुपु-भदैनीको राप्ती नदीमा पौडी खेल्ने क्रममा डुबेर मृत्यु

समाचार

नेपाल लाइभ आइतबार, मंसिर १८, २०७९ १२:२२

बाँके– बाँकेको राप्ती नदीमा बेपत्ता भएका राप्तीसोनारीकी एक युवती र एक बालिकाको शव भेटिएको छ। वडा नम्बर ६ की २२ वर्षीया कञ्चन थारु र १३ वर्षीया बालिका अर्चना थारु मृत भेटिएका हुन्।

उनीहरुको शव राप्ती नदीमा डुबिरहेको अवस्थामा फेला परेको हो। शनिबार घरबाट बयर खान भनेर निस्किएका उनीहरु राप्ती नदीमा पौडी खेल्ने क्रममा बेपत्ता भएका थिए।

आइतबार बिहानैदेखि खोजीमा खटिएको सशस्त्र प्रहरी र नेपाल प्रहरीले उनीहरु गएको स्थानभन्दा डेढ किलोमिटरको दूरीमा शव फेला पारेका थिए। मृतक दुवै जना फूपु–भदैनी हुन्। अर्चना भने गुलरियामा कक्षा ८ मा अध्ययनरत विद्यार्थी हुन्।

अस्थायी प्रहरी चौकी फत्तेपुरका इन्चार्ज यमबहादुर बस्नेतका अनुसार बयर खान समूहमा गएका उनीहरु राप्ती नदीमा पौडी खेल्ने क्रममा बेपत्ता भएका थिए। अन्य पाँच किशोरीको भने शनिबार नै उद्धार गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भ्रष्टाचार गर्नकै लागि विमानस्थल बनाइयो: राजेन्द्र लिङ्देन

भारत–पाकिस्तानबीच युद्धविराम

भ्यान दुर्घटनामा प्रहरी सहायक निरीक्षकको मृत्यु