काठमाडौं– राष्ट्रिय सभा अध्यक्ष गणेशप्रसाद तिमिल्सिनाले राजनीतिक शुद्धीकरणका लागि बौद्धिक जगतको भूमिका महत्त्वपूर्ण हुने बताएका छन्।
जापानिज युनिभर्सिटिज् आल्मुनाइ एशोसिएसन नेपाल (जुवान)द्वारा शनिबार ललितपुरमा आयोजित ‘जापान : विगत, वर्तमान र भविष्य’ विषयक एक दिने सेमिनारमा बोल्दै उनले यस्तो बताएका हुन्।
अध्यक्ष तिमिल्सिनाले, नेपालमा लामो संघर्षपछि प्राप्त उपलब्धिमाथि अहिलेको निर्वाचनको नतिजाले केही खतरा रहेको संकेत देखिएको बताए।
‘मंसिर ४ गते सम्पन्न निर्वाचनबाट आएको नतिजा सुखद छ त?,’ उनले भने, ‘संघीय लोकतान्त्रिक गणतन्त्र तथा अहिलेको बहुदलीय प्रतिस्पर्धामा दलको विकल्प हुँदैन। स्वतन्त्रप्रतिको आकर्षण बढ्नु राम्रो संकेत होइन।’
अध्यक्ष तिमिल्सिनाले अहिलेको व्यवस्था जोगाउने दायित्व राजनीतिक दलसँगै बौद्धिक समुदायको पनि भएको उल्लेख गरे।
‘सुशासन, भ्रष्टाचार र देशमा भएको बेथिति रोक्नका लागि नेता र राजनीतिक दललाई निष्पक्ष सुझाव दिनुहोला। दलप्रति वितृष्णा बढ्नु राम्रो होइन’, अध्यक्ष तिमिल्सिनाले भने।
अहिलेको निर्वाचनमा पनि अधिकांश पुरानै नेता दोहोरिएर निर्वाचित भएकाले सरकारको नेतृत्व पनि उनीहरुले नै गर्ने देखिएको अध्यक्ष तिमिल्सिनाको भनाइ छ।
‘अब बन्ने सरकार पनि नयाँ हुने देखिँदैन। एउटै व्यक्ति बारम्बार किन प्रधानमन्त्री बन्ने? यो गम्भीर विषय छ’, उनले भने, ‘यो चुनावले केही ठाउँमा नयाँ सांसद त छानेको छ। तर, उनीहरुले अहिलेको नेतृत्व परिवर्तन गर्न सक्छन् कि सक्दैनन्?’
कार्यक्रममा अध्यक्ष तिमिल्सिनाले जापानमा उच्च शिक्षा हासिल गरेर नेपाल आएका सबैलाई उच्च सफलताको शुभकामना व्यक्त गरे।
उनले नेपालमा हालै सम्पन्न निर्वाचनलाई निष्पक्ष हुनुपर्छ र लोकतान्त्र बलियो हुनुपर्छ भनेर जापानले देखाएको शुभेच्छाप्रति धन्यवाद व्यक्त गरे।
अध्यक्ष तिमिल्सिनाले जापानबाट राजनीति, आर्थिक विकास र समृद्धिबारे सिक्ने कुरा धेरै भएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
