इलाम- १ मा पुन: मतदानका लागि एकीकृत समाजवादीले कानुनी उपचार खोज्ने

राजनीति

नेपाल लाइभ मंगलबार, मंसिर १३, २०७९ १६:४३

काठमाडौं- एकीकृत समाजवादीका 'सम्मानित' नेता झलनाथ खनाल उम्मेदवार रहेको इलाम- १ मा पुन: मतदानका लागि कानुनी उपचार खोज्ने निर्णय उक्त पार्टीले गरेको छ। सत्ता गठबन्धनको समर्थन प्राप्त खनाललाई एमालेका महेश बस्नेतले पराजित गरेका हुन्।

चुनावपछि बसेको सचिवालय बैठकमा मतदान निष्पक्ष नभएको आशंका गर्दै त्यसका लागि कानुनी उपचारमा जाने निर्णय भएको अध्यक्ष माधवकुमार नेपालले जानकारी दिए।

देशभरिको प्रारम्भिक समीक्षा गरिएको बताउँदै उनले विशेषगरी इलाम- १ र उदयपुरमा समस्या देखिएको बताए।
उनले भने, 'यी दुई क्षेत्रमा अनेकौं विसंगति देखिए। हाम्रा सम्मानित नेता (झलनाथ खनाल)ले विसंगतिबारे बक्तव्य निकालेर आपत्ति पनि जनाउनुभयो। हामीले कानुनी उपचारमा जाने र पुन: मतदानको माग गर्ने निष्कर्ष निकालेका छौं।'

वाम गठबन्धन बन्ने विषयलाई भने उनले इन्कार गरेका छन्। वाम गठबन्धन हुन सक्ने चर्चा चलिरहेको बताउँदै सम्भावनाबारे उनलाई गरिएको प्रश्नमा उनले भने, 'म त्यस्तो कुनै सम्भावना देख्दिनँ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अवरूद्ध नारायणघाट–मुग्लिन सडक सञ्चालनमा

ट्रकको ठक्करबाट एक जनाको मृत्यु

विद्यालयमा ‘इ लर्निङ कक्ष’ सञ्चालन गर्न सहयोग गर्दै ईश्वर मन्दिर