मतपरिणामपछि पाँच दलीय गठबन्धनकै सरकार बन्छ : गृहमन्त्री खाण

राजनीति

नेपाल लाइभ आइतबार, मंसिर ११, २०७९ १२:२१

काठमाडौं– गृहमन्त्री बालकृष्ण खाणले चुनावको परिणामपछि पनि गठबन्धनकै सरकार बन्ने बताएका छन्।

आइतबार बिहान रुपन्देहीको भैरहवामा भएको पाँच दलीय गठबन्धनको बैठकमा गृहमन्त्री खाणले गठबन्धनको बहुमत पुग्ने र गठबन्धनमा आबद्ध दलहरुबीच पाँच वर्षसम्म व्यवस्थालाई मझबुत बनाउँदै नागरिकको अवस्था सुधार्ने सहमति भएकाले सोही अनुरुप अघि बढ्ने बताए।

प्रधानमन्त्री को बन्ने भन्ने विषयमा भने पाँच दलका शीर्ष नेता बसेर टुंग्याउने उनले बताए। ‘पाँच दलीय गठबन्धनको सरकार बन्छ,’ गृहमन्त्री खाणले भने, ‘प्रधानमन्त्री को बन्ने भन्ने विषयमा गठबन्धनमा आबद्ध दलका शीर्ष नेता बसेर टुंग्याउनुहुनेछ।’

रुपन्देही ३ बाट प्रतिनिधि सभा सदस्यका उम्मेदवार रहेका खाणले आफूले निर्वाचनको नतिजालई सहज रुपमा लिएको बताए। खाण राप्रपा नेता दीपक बोहरासँग पराजित भएका छन्।

‘निर्वाचनमा पराजयलाई सहजतापूवक लिन गाह्रो हुन्छ। तर, म कृष्णप्रसाद भट्टराईको स्कुलिङमा हुर्केको हुँ। तसर्थ जनताको अभिमतलाई सहर्ष स्वीकार गर्छु,’ उनले भने।

भट्टराई प्रधानमन्त्री हुँदा पनि निर्वाचनमा पराजित भएर नतिजा स्वीकार गरेका थिए। आफू गृहमन्त्री भएको बेलामा भएको निर्वाचनमा आफैं उम्मेदवार हुँदा जनताले दिएको अभिमतलाई सहजतापूर्वक स्वीकार गर्नु गृहमन्त्रीको पहिलो दायित्व भएको र त्यो दायित्व आफूले सहजतापूर्वक पूरा गरेको खाणले बताए।

गृहमन्त्रीका रुपमा प्रतिनिधि सभा/प्रदेशसभा निर्वाचन स्वच्छ, निष्पक्ष र भयरहित तरिकाले शान्तिपूर्णरुपमा एकै चरणमा सम्पन्न गर्ने मुख्य भूमिका पूरा गर्न पाएकोमा आफूलाई खुसी लागेको उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना