काठमाडौं– कुनैबेला बार्सिलोना क्लबमा आफैंले प्रशिक्षक नियुक्त गराउन महत्वपूर्ण योगदान गरेका लिओनल मेसी आज उनै प्रशिक्षकविरूद्ध मैदानमा उत्रिँदैछन्।
सन् २०१३ मा गेरार्डो ‘टाटा’ मार्टिनोलाई बार्सिलोनाको प्रशिक्षक बनाउन मेसी र उनको बुवाले योगदान गरेका थिए। अहिले उनै मार्टिनो मेक्सिको राष्ट्रिय फुटबल टोलीको प्रशिक्षक छन्, जुन टिम आज अर्जेन्टिनाविरूद्ध खेल्दै छ।
समूह ‘सी’मा सहभागी अर्जेन्टिनाले पहिलो खेल साउदी अरेबियासँग २–१ गोल अन्तरले गुमाइसकेको अवस्थामा मेक्सिकोसँगको खेल निकै महत्वपूर्ण मानिएको छ।
मेक्सिकोविरूद्धको नतिजाले यसपालीको विश्वकपमा लामो यात्रा तय गर्ने कि, छिट्टै घर फर्किने, अर्जेन्टिनाको भाग्य निर्धारण हुँदैछ। यस्तो अवस्थामा अर्जेन्टिनाका लागि चट्टान बनेर उभिएका छन्, प्रशिक्षक मार्टिन।
मार्टिन आक्रामक फुटबलमा विश्वास राख्ने प्रशिक्षक हुन्। उनले बार्सिलोनामा हुँदा ‘फल्स नाइन’को रणनीतिअन्तर्गत मेसी र सेस फेब्रिगासलाई प्रयोगमा ल्याउने प्रयास गरेका थिए। च्याम्पियन्स लिगको क्वाटरफाइनलमा टिम पराजित भएपछि उनले एक वर्षभित्रै क्लब छोड्नुपर्यो।
४–३–३ को फर्मेसनलाई प्रभावशाली ढंगले प्रयोगमा ल्याउने प्रशिक्षकको रूपमा पनि उनी परिचित छन्। मेसीले उनको नेतृत्वमा क्लब र राष्ट्रिय टोली दुवैबाट खेलिसकेका छन्। बार्सिलोनाबाट बाहिरिएपछि सन् २०१४ मा उनी अर्जेन्टिनाको प्रशिक्षक बनेका थिए। उनको नेतृत्वमा कोपा अमेरिका कपमा अर्जेन्टिना फाइनल पुगेर चिलीसँग पराजित भएको थियो।
मार्टिनले करिब २ वर्ष अर्जेन्टिनाको राष्ट्रिय टोलीलाई प्रशिक्षण दिए। यसपछि अमेरिकी क्लब हुँदै सन् २०१९ मा उनी मेक्सिको टिमसँग आबद्ध हुन पुगे। उनको विरूद्धमा मेसीले आज कस्तो खेल प्रदर्शन गर्छन्, त्यो अन्तर्राष्ट्रिय फुटबल जगतका लागि चासोको विषय बनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
