मौन अवधिमा साग केलाउँदै ओलीले भने– धेरै दिनपछिको फुर्सद!

निर्वाचन विशेष

नेपाल लाइभ शनिबार, मंसिर ३, २०७९ २१:२५

काठमाडौं– निर्वाचनको अघिल्लो दिन आज शनिबार मौन अवधि चलिरहेको छ। यसले गर्दा चुनावी प्रचारप्रसार गर्न पाइँदैन। यस्तोमा शीर्ष नेताहरू फुर्सदिला देखिएका छन्।

एमाले अध्यक्ष केपी शर्मा ओलीका गतिविधिले यसको पुष्टि गरेको छ।

उनी अहिले भक्तपुरको बालकोटस्थित आफ्नै निवासमा साग केलाइरहेका भेटिएका छन्। यसको जानकारी उनी आफैँले दिएका हुन्।

ओलीले तीनवटा तस्बिर सामाजिक सञ्जालमा राखेका छन्। जसमा श्रीमती राधिका शाक्य पनि छिन्। एउटा तस्बिरमा ओली भान्सामा पसेर श्रीमतीलाई साग केलाउन सहयोग गरिरहेका छन्।

‘धेरै दिनपछिको फुर्सद। फुर्सदमा राधिकासँग साग केलाउँदै!’, उनले फेसबुकमा लेखेका छन्।

आइतबार देशभर प्रतिनिधि सभा र प्रदेश सभाको मतदान हुँदैछ। ओली झापा क्षेत्र नम्बर ५ मा प्रतिनिधि सभा सदस्यका उम्मेदवार छन्। मतदान भने उनले बालकोटमै गर्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वास्थ्य सचिव डा पोखरेल र अतिरिक्त सचिव डा सिंहलाई मन्त्रालयको बिदाइ

बराबरीमा सकियो नेपाल र म्यानमारको खेल

निहत्था नागरिकको हत्या गर्ने माओवादीको जनयुद्ध थिएन, धनयुद्ध हो : गगन थापा