गृहमन्त्रीविरुद्ध परेको बहुविवाहको उजुरी तामेलीमा राख्ने आयोगको निर्णय

राजनीति

नेपाल लाइभ बुधबार, कात्तिक ३०, २०७९ ११:१३

काठमाडौं– निर्वाचन आयोगले गृहमन्त्री बालकृष्ण खाणविरुद्ध परेको उजुरी तामेलीमा राख्ने निर्णय गरेको छ।

गृहमन्त्री खाणविरुद्ध आयोगमा बहुविवाह गरेको भन्दै उजुरी परेको थियो। नेपाली कांग्रेसका तर्फबाट रुपन्देही–३ मा प्रतिनिधि सभाका उम्मेदवार रहेका खाणविरुद्ध बहुविवाह गरेको भन्दै उजूरी परेको थियो।

आयोगले उजुरी तथ्यपरक नभएको र क्षेत्राधिकार बाहिर रहेको भन्दै तामेलीमा राखेको जनाएको छ। बहुविवाहको मुद्दा गृहमन्त्रालय अन्तर्गत पर्ने जनाउँदै तामेलीमा राख्ने निर्णय गरेको निर्वाचन आयोगले जनाएको छ।

गृहमन्त्री खाणका दुई श्रीमती दिलमाया खाण र मञ्जु खाण रहेको भन्दै आयोगमा बहुविवाहको उजुरी परेको थियो। खाणले उम्मेदवारी दर्ता गर्दा दिलमायाको नाम उल्लेख गरेका थिए।

मञ्जु खाण भने कांग्रेसबाट समानुपातिक उम्मेदवार बनेकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना