प्रतिकात्मक तस्बिर
सल्लाघारी– पानी ट्याङ्करमा मोटरसाइकल ठोक्किँदा भक्तपुरमा १ जनाको मृत्यु भएको छ। दुर्घटनामा अर्का १ जना गम्भीर घाइते भएका छन्।
भक्तपुरको सल्लाघारमा बागमती प्रदेश०२–०३१प ७८६२ नंको मोटरसाइकल बा४ख ४२६८ नंको पानीट्याङ्करमा ठोक्किएको हो। दुर्घटनामा मोटरसाइकल चालक मध्यपुरथिमि नगरपालिका–१ लोकन्थली बस्ने २६ वर्षीय साजन दुवारीको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक (डीएसपी) राजु पाण्डेले जानकारी दिए।
मोटरसाइकलमा सवार झापा घर भइ हाल मध्यपुरथिमि –३ बस्ने २३ वर्षीय अनिल साहको इवामुरा मेमोरियल अस्पतालमा उपचार भइरहेको डीएसपी पाण्डेले जानकारी दिनुए। प्रहरीले दुर्घटना भएका दुवै सवारीसाधनलाई नियन्त्रणमा लिएको छ।
ट्याङ्कर चालक भक्तपुर नगरपालिका–२ ब्यासी बस्ने २८ वर्षीय प्रवीण सुवाललाई पक्राउ गरी अनुसन्धान भइरहेको डीएसपी पाण्डेले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
