इस्तानबुल– टर्कीको स्तानबुलमा भएको आक्रमण आतङ्ककारीहरूले गराएको टर्कीको आशङ्का रहेको छ। टर्कीका राष्ट्रपति रिसेप तैयप एर्डाेगानले सो कुरा बताएका हुन्।
उनले यो कार्य आतङ्ककारीहरुबाट भएको हो र यो आतङ्ककारी कार्य हो भने। आइतबार इस्तानबुलमा आयोजित एक पत्रकार सम्मेलनमा उनले भनेका छन्, ‘अहिले नै यसो भन्न त हतार हुनसक्छ, त्यसैले मैले सय प्रतिशत नै आतङ्ककारी हमला त भन्न सक्दिन, तर पनि यो काम आतङ्ेककारीकै हो भन्ने हाम्रो प्रारम्भिक अनुसन्धानले देखाएको छ।’
एर्डाेगानले जी–२० को सम्मेलनमा सहभागी हुन इन्डोनेसिया जानुअघि इस्तानबुलमा आयोजित सो पत्रकार सम्मेलनमा सो प्रतिक्रिया दिएका हुन्।
उनले यो आक्रमणको पूर्ण अनुसन्धान जारी रहेको जानकारी दिँदै अहिलेसम्मको अवस्था हेर्दा कुनै एकजना महिलाले आत्मघाती हमला गराएको जस्तो देखिएको पनि बताए।
टर्कीको इस्तानबुल सहरमा आइतबार अपराह्न बम आक्रमण भएको थियो। अज्ञात व्यक्तिबाट भएको सो हमलामा परेर कम्तीमा पनि ६ जनाको ज्यान गएको छ भने अरु ५३ जना घाइते भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750673602.png)
-1749826086.png)
