हर्क साम्पाङलाई जिताएकोमा ओलीको कटाक्ष- छान्ने बेलामा आँखा देख्नुभएन, अहिले भनेर हुन्छ?

राजनीति

नेपाल लाइभ शुक्रबार, कात्तिक २५, २०७९ १४:३०

काठमाडौं– नेकपा एमालेका अध्यक्ष केपी शर्मा ओलीले वैशाखमा सम्पन्न स्थानीय तहको निर्वाचनमा धरान उपमहानगरपालिकाको मेयरमा हर्क साम्पाङलाई जिताएकोमा धरानबासीलाई कटाक्ष गरेका छन्। चुनावी सम्बोधनका लागि शुक्रबार धरान पुगेका उनले जिताउने बेलामा आँखा नदेखेको आरोप लगाए।

‘यहाँको खानेपानीको कुरा, अब यहाँका मेयरलाई ‘खानेपानी ले’ भनेर, कतिवटा घैला बोकुन्, बिचरा! कसको घरमा खानेपानी पुर्‍याउन्। यहाँ त राष्ट्रिय बजेट, राष्ट्रिय योजना चाहिन्छ’, उनले भने, ‘अब नगरको बजेटले त्यो आयोजना हुन्छ त? नगरको बजेटले त्यो हुँदैन। म केही भन्दिनँ अब, छान्ने बेलामा आँखा देख्नुभएन। अहिले भनेर हुन्छ?’

ओलीले धरानलाई पानी खुवाउने राष्ट्रिय योजनाका लागि एमालेको सरकार चाहिने बताए। ‘पम्पिङ गरेर कोशीबाट पानी ल्याएर धरानलाई पानी खुवाउँछ, एमालेले। तपाईंहरु ढुक्क हुनुस्’, उनको भनाइ थियो।

वैशाखमा सम्पन्न स्थानीय तहको निर्वाचनमा साम्पाङले कांग्रेस र एमालेका उम्मेदवारलाई पराजित गरेका थिए। उनले २० हजार ८२१ मत पाउँदा कांग्रेस उम्मेदवार किशोर राईले १६ हजार ५९ र एमालेकी उम्मेदवार मञ्जु भण्डारी सुवेदीले १२ हजार ८२५ मत पाएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मंसिर ९ देखि धरहरा सञ्चालन

विद्युतीय राहदानी प्रणालीमा समस्या आएपछि नयाँ राहदानी वितरणको काम अनिश्चितकालका लागि ठप्प

भारतमा दश जना माओवादी विद्रोहीको मृत्यु