फाइल तस्बिर
काठमाडौं– नेकपा एमालेका अध्यक्ष केपी शर्मा ओलीले धरान पुगेर सुनसरी- १ का प्रतिनिधि सभा सदस्यका उम्मेदवार अशोक राईलाई आफ्नो उपाध्यक्ष भएको बताएका छन्। राई जनता समाजवादी पार्टीबाट उम्मेदवार भएका हुन्।
शुक्रबार धरानमा आयोजित चुनावी सभालाई सम्बोधन गर्दै अध्यक्ष ओलीले २०४७ साल वैशाख १८ गते धरानमा सम्बोधन गरेको स्मरण गरे।
ओलीले भने, ‘०४७ साल वैशाख १८ गते धरानमा सम्बोधन गर्दा अशोक राई पनि हुनुहुन्थ्यो। उहाँ त मेरो उपाध्यक्ष नै हो। भिम आचार्य हुनुहुन्थ्यो। अरु साथीहरु हुनुहुन्थ्यो र मलाई सम्झना छ। हामीले त्यस बेला ०४७ सालमा ल्याएको परिवर्तनको खुसी मनाइरहेका थियौं। ती उपलब्धिको रक्षा गर्ने प्रतिबद्धता जनाइरहेका थियौं।’
लामो समय एमालेमै रहेका र एमालेमा उपाध्यक्षसमेत भएका राई एमालेले पहिलो संविधान सभामा लिएको नीति, खासगरी संघीयताको सन्दर्भमा एमालेको नीतिको विरोध गर्दै जनजाति नेताहरुसहित पार्टी परित्याग गरेका थिए। तर त्यसपछि गठन गरेको पार्टीले खासै उत्साहजनक नतिजा ननिकालेपछि उनले उपेन्द्र यादव नेतृत्वको पार्टीसँग एकता गरेका थिए। अहिले उनी जनता समाजवादी पार्टीमा छन्। र सोही पार्टीबाट उम्मेदवार बनेका छन्।
कार्यक्रममा ओलीले वामपन्थी आन्दोलन कमजोर भइरहेको स्मरण गर्दै प्राप्त विकसित र निर्णायक भइनसकेको अवस्थामा अनेक उत्तारचढाव आएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791799330.png)
-1791796975.png)
-1786602170.png)
