काठमाडौं- श्रीलंकाका प्रधानमन्त्री दिनेश गुणवर्धनाले नेपाल र श्रीलंकाबीच ऐतिहासिक र धार्मिक सम्बन्ध रहेको बताएका छन्। दक्षिण एसियाका नेपाल, भारत र श्रीलंकका पत्रकारहरूसँगको भेटमा प्रधानमन्त्री गुणवर्धनाले श्रीलंकामा करिब ७२ प्रतिशत बौद्ध धर्मावलम्बी रहेको र लुम्बिनी भगवान गौतम बुद्धको जन्मस्थल भएकाले पनि नेपाल र श्रीलंकाबीच निकट धार्मिक सम्बन्ध रहेको बताए।
‘राम, सीता र रावणको विषय धार्मिक इतिहासमा समेत उल्लेख छ। अझ आस्थाको केन्द्र पशुपतिनाथ नेपालमा छ। यसले पनि दुई देशबीचको सम्बन्धलाई थप प्रगाढ़ बनाएको छ,’ उनले भने।
संकटको समयमा छिमेकी देशले गरेको सहयोग प्रशंसनीय भएजस्तै सञ्चारकर्मीले पनि सकारात्मक समाचार सम्प्रेषण गरेर सहयोग गर्नुपर्नेमा उनले जोड दिए। ‘पछिल्लो समय श्रीलंकाको अर्थतन्त्रमा केही सुधार आएको छ,’ उनले भने, ‘यही सत्यतालाई नेपाल, भारत र श्रीलंकाका पत्रकारहरुले जिम्मेवारीपूर्वक सूचना प्रवाह गर्नुपर्ने अपेक्षा राखेको छु।’
दक्षिण एसियाका नेपाल, भारत, श्रीलंकाका पत्रकारहरूको समूहलाई श्रीलंकाको वर्तमान राजनीतिक, सामाजिक र आर्थिक स्थितिको बारेमा प्रकाश पार्न र आगामी दिनहरुमा थप पर्यटकहरूलाई श्रीलंका भ्रमण गराउन आमन्त्रित गरिएको हो।
टोलीमा सहभागी पत्रकार सम्झना पौडेलका अनुसार उक्त ‘मिडिया परिचय टुर’ को आयोजना श्रीलंकाली सरकार, टुरिजम प्रोमोसन ब्यूरो श्रीलंका र एशिया मिडिया एण्ड कल्चरल एसोसियसन (एएमसिए) ले गरेको थियो।
एएमसिएका अध्यक्ष उपुल जानका जयसिंगेले पर्यटन प्रवर्द्धन ब्यूरोको तर्फबाट मिडिया परिचय टुरले श्रीलंकाको मात्र नभई एशियाली देशहरुको पर्यटन प्रवर्द्धनमा सहयोग पुग्ने अपेक्षा राखिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
