काठमाडौं– मोटरसाइकलको ठक्करबाट परराष्ट्र मन्त्रालयकी अधिकृतको मृत्यु भएको छ। कार्यालय समय सकेर घर फर्किने क्रममा परराष्ट्र मन्त्रालयकी अधिकृत आस्था सुब्बालाई बिहीबार साँझ सिंहदरबारको पूर्वी गेटमा मोटरसाइकलले ठक्कर दिएको थियो।
मोटरसाइकलको ठक्करबाट गम्भीर घाइते भएकी उनलाई उपचारका लागि काठमाडौं मोडल अस्पताल लगिएको थियो। तर, बचाउन नसकिएको परराष्ट्र मन्त्रालयका एक अधिकारीले जानकारी दिए।
अधिकृत सुब्बा परराष्ट्र मन्त्रालयकाे राष्ट्र संघ महाशाखामा कार्यरत थिइन्। २०६९ सालमा सेवा प्रवेश गरेकी उनले इजरायलस्थित नेपाली दूतावासमा सेवा गरेकी थिइन्।
राहदानी विभागमा समेत काम गरेकी उनी पछिल्लो समय अनामनगरमा बस्दै आएकी थिइन्। कार्यालयबाट अनामनगरस्थित निवास जाने क्रममा हनुमानस्थानबाट तीव्र गतिमा आउँदै गरेका प्रदेश नम्बर ३-०२-००८ प ३६१७ नम्बरको मोटरसाइकलका चालकले ठक्कर दिएका थिए। सुब्बाका पति र एक नाबालक छोरा छन्।
प्रहरीका अनुसार घाइते मोटरसाइकल चालककाे अहिले उपचार भइरहेको छ। मोटरसाइकल भने प्रहरीको नियन्त्रणमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748872907.png)
-1748859155.jpg)
-1748593223.png)
