कालीकोटमा विष्फोटक पदार्थ पड्किँदा घाइते भएका बालबालिकाको उद्धारका लागि हेलिकप्टर पठाइयो

सुरक्षा/अपराध

नेपाल लाइभ शनिबार, कात्तिक १२, २०७९ ११:२९

काठमाडौं– गृहमन्त्री बालकृष्ण खाणले कालीकोटको तिलागुफा नगरपालिका–१० रानावाडामा विष्फोटक पदार्थ पड्किँदा गम्भीर घाइते भएकाहरू बालबालिका को उद्धारका लागि हेलिकप्टर पठाउन निर्देशन दिएका छन्।

गृहमन्त्रीको निर्देशनपछि सुर्खेतबाट नेपाली सेनाको हेलिकप्टर कालीकोट पुगेर अवतरण गरिसकेको कालीकोटका प्रमुख जिल्ला अधिकारी रामहरि शर्माले जानकारी दिए।

नागरिकको जीवन रक्षा राज्यको पहिलो दायित्व भएकाले त्यसका कुनै कसर बाकी नराख्न गृहमन्त्री खाणले गृह प्रशासनलाई निर्देशन दिएका छन्।

विष्फोटक पदार्थ पड्किँदा एक जनाको उपचारका क्रममा मृत्यु भएको र चार जना गम्भीर घाइते भएका जिल्ला प्रशासन कार्यालयले जनाएको छ। तिलागुफा १० कि ४ वर्षकी झरना थापाको उपचारका क्रममा मृत्यु भएको प्रजिअ शर्माले बताए।

घटनामा सोही ठाउँकै ७ वर्षीय कमल थापा, ५ वर्षीया मुस्कान थापा, ३ वर्षीय सपना थापा तथा ४ वर्षीय सरस्वती राना गम्भीर घाइते भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिसोले महोत्तरीमा श्वासप्रश्वासका बिरामी बढे

टर्कीएको एक होटलमा आगलागी हुँदा ७६ जनाको मृत्यु

तनहुँका १४ हजार छात्रालाई एचपिभी खोप लगाइँदै