साइन बोर्डको कर तिर्न काठमाडौं महानगरको ताकेता, ३० दिनभित्र नतिरे हटाइने

अर्थ समाचार

नेपाल लाइभ शुक्रबार, असोज ७, २०७९ १०:१७

काठमाडौं– काठमाडौं महानगरपालिकाले महानगरभित्र व्यवसाय गर्नेहरूले आफ्नो पसलमा राखेको परिचय पाटी (साइन बोर्ड) को समेत कर तिर्न ताकेता गरेको छ। शुक्रबार एक सूचना जारी गर्दै महानगरले ३० दिनभित्र कर तिर्न भनेको हो।

महानगरपालिका क्षेत्रभित्र व्यापार व्यवसाय गर्ने केही व्यक्ति, संघ संस्थाहरूले आफ्नो कार्यस्थलमा बाहिर राखिआएको परिचय पाटी (व्यक्ति व्यवसाय वा संघ संस्थाको परिचय खुल्ने नाम भएको) राखे बापत महानगरपालिकालाई बुझाउनुपर्ने परिचय पाटी शुल्क नबुझाएको भन्दै सूचना प्रकाशन भएको ३० (तीस) दिनभित्र सम्बन्धित वडा कार्यालयमा शुल्क बुझाउन भनिएको छ।

उक्त अवधिभित्र परिचय पाटी शुल्क नबुझाएमा वा तोकिएको साइजभन्दा ठूलो परिचय पाटी राखेको पाइएमा त्यस्ता परिचय पाटी महानगरपालिकाले तत्काल हटाउने चेतावनी दिएको छ।

परिचय पाटी ६ वर्ग फुटसम्म एक वटाको ५०० रूपैयाँ, १५ वर्ग फुटसम्मको १००० रूपैयाँ र १५ वर्ग फुटभन्दा माथि ३० वर्गफुटसम्मको प्रतिवर्ग फुट १००० रूपैयाँ वार्षिक शुल्क लाग्ने र ३० वर्गफुटभन्दा माथिको परिचय पाटी राख्न नपाइने महानगरले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रेमविवाह विवादमा भएको झडपमा घाइतेको मृत्यु

अमेरिका पठाउने भन्दै डेढ करोड ठगी, तीन जना पक्राउ

आमसञ्चार परिषद् विधेयक प्रतिनिधिसभाबाट सर्वसहमतिले स्वीकृत