काठमाडौं– लगानी बोर्डले हालसम्म ३३ वटा ठूला परियोजनाको लगानी स्वीकृत गरेको छ। लगानी बोर्डले आज मुख्य उपलब्धि सार्वजनिक गर्दै उर्जातर्फ १९ र गैर उर्जातर्फ १४ ठूला परियोजनामा लगानी स्वीकृत गरेको जनाएको छ।
उर्जातर्फका परियोजनामा ७२ हजार ५७१ करोड, माइन्स एण्ड मिनरल्सतर्फ २१ हजार ५ करोड, सहरी विकासतर्फ ५६६ करोड, औद्योगिक पूर्वाधारतर्फ ८ हजार ५१२ करोड र पर्यटनतर्फ १३ सय ९८ करोड लगानी स्वीकृत गरिएको बोर्डले जनाएको छ।
बोर्डले १४ वटा गैरउर्जा क्षेत्रको परियोजनाका लागि लगानी स्वीकृत गरेको छ। जसमा सहरी विकासको एक, औद्योगिक पूर्वाधारका ३, पर्यटनका २ र माइन्स एण्ड मिनरल्सका ७ परियोजना रहेका छन्।
बोर्डले सार्वजनिक गरेअनुसार केही परियोजना सञ्चालनमा आइसकेका छन् भने केही सहजीकरणकै अवस्थामा छन्।
यस्तो छ कार्यान्वयनको अवस्था
अहिले ३ वटा गैरउर्जा परियोजनाले कार्यान्वयनको चरणमा प्रवेश गरी व्यवसायिक उत्पादन गरिरहेको जनाएको छ। अहिले होङ्गसी शिवम् सिमेन्टले व्यावसायिक उत्पादन गरिरहेको छ। यस्तै, धरान फोहोरमैला व्यावस्थापन र ह्वसिन सिमेन्ट नारायणीले परीक्षण उत्पादन गरिरहेको छ।
अरुण–३ र माथिल्लो त्रिशुली जलविद्युत परियोजना निमार्णको चरणमा छन्। ९ सय मेगावाटको अरुण –३ जलविद्युत परियोजना १४४ अर्ब लागतमा बन्दै गरेको परियोजना हो। यस्तै २१६ मेगावाटको माथिल्लो त्रिशुली जलविद्युत परियोजना ७३.१५ अर्बको परियोजना हो।
यस्तै १६६ अर्ब लागमा बन्न लागेको माथिल्लो कर्णाली जलविद्युत परियोजना कार्यान्वयनको चरणमा प्रवेश गरि वित्तीय व्ययावस्थापनको क्रममा रहेको छ। उक्त परियोजनाले ९ सय मेगावाट जलविद्युत उत्पादन गर्ने छ।
३२७ मेगावाट जलविद्युत उत्पादन गर्ने माथिल्लो मस्र्याङ्दी-२ जलविद्युत परियोजनाको बोर्डले लगानी स्वीकृत गरेको छ। उक्त परियोजनाको लागि ७८.३० अर्ब लगानी स्वीकृत गरेको हो।
यु्तै, गैर उर्जातर्फ ४ वटा परियोजनाहरुको लगानी स्वीकृति गरेको छ। जसमा चीन नेपाला मैत्री औद्योगिक पार्क, भेइकल म्यानुफ्याक्चरिङ् एण्ड एसेम्बली प्लान्ट, दाङ सिमेन्ट, सम्राट सिमेन्ट रहेका छन्।
पश्चिम सेती र सेती नदी–६ परियोजना विकास कर्तासँग परियोजना अध्ययनको लागि सम्झौता सम्पन्न भएको छ। उक्त दुई परियोजनाबाट १२ सय मेगावाट जलविद्युत उत्पादन हुनेछ। जसको लागि २७०.१३ अर्ब रुपैयाँ लागत लाग्ने अनुमान गरिएको छ।
२ गैर–उर्जा परियोजनाहरु परियोजना विकासको चरणमा रहेका छन्। जसमा निजगढ अन्तर्राष्ट्रिय विमान स्थल र काठमाडौं बाहिरी चक्रपथ परियोजना रहेका हुन्।
वीरेठाँटी–मुक्तिनाथ केवलकार परियोजना, प्रइभेट फ्रेट टर्मिनल एण्ड बल्क ह्याण्डिलिङ फेसिलिटिज, मल्टिमोडल लजिस्टिक पार्क विस्तृत संभाव्यता अध्ययानको चरणमा रहेको छन्।
यस्तै तमोर जलाशययुक्त परियोजना (७५६ मेगावाट), तल्लो अरुण (६६९ मेगावाट), राइजेन इनर्जी सोलार परियोजना (२५० मेगावाट) अध्ययनको चरणमा रहेको बोर्डले जनाएको छ।
लगानी बोर्डले स्वीकृत परियोजनाहरुः
1662910966.png)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
