भैरहवा- रुपन्देहीमा भारतबाट अवैध रुपमा ल्याइएको ६ सय २५ बोरा चिनी बरामद भएको छ। बिहीबार सशस्त्र प्रहरी बलले दुई वटा ट्रकबाट उक्त परिमाणको चिनी बरामद गरेको हो।
सशस्त्र प्रहरी बल, नेपाल नं २७ गण हेडक्वाटर रुपन्देहीबाट खटिएको मोवाइल गस्ती टोलीले परासी भैरहवा हुलाकी राजमार्गको बसन्तपुरमा र बिओपी वयरघाटबाट खटिएको टोलीले लुम्बिनी साँस्कृतिक नगरपालिकाको मसिना भन्ने ठाउमा चेक जाँच गर्दा ना २ ख ६३२७ नं. र ना ४ ख ४१२९ नं. को दुई वटा ट्रकमा ६ सय २५ बोरा चिनी बरामद भएको हो।
ना २ ख ६३ २७ नं. को ट्रकमा भिसिटिएस बिलमा ६ सय बोरा चामल देखाएर बाहिर १ सय बोरा चामलले ढाकेर भारतबाट अवैध रुपमा ल्याएको चिनी पश्चिम नवलपरासीदेखि दाङ लग्दै गरेको अवस्थामा २ सय ८५ बोरा चिनी बरामद गरेको जानकारी सशस्त्र प्रहरी बल, नेपाल नं. २७ गण हेडक्वाटर रुपन्देहीका सूचना अधिकारी प्रहरी नायव उपरीक्षक प्रेमप्रकाश सिक्देलले जानकारी दिए।
यस्तै बिओपी वयरघाटका प्रहरी निरिक्षक तेजराज शर्माले ना ४ ख ४१२९ नं. को ट्रक पश्चिम नवलपरासीदेखि दाङतर्फ लग्दै गरेको अवस्थामा ३ सय ४० बोरामा १ सय ७० क्ववीन्टल चिनी बरामद गरेको बताए।
1662649935.jpg)
पछिल्लो समय पश्चिम नवलपरासी हुँदै चिनी तस्करी गर्ने क्रम बढेको छ। जसको पुष्टी रुपन्देहीमा बिहीबार प्रहरीले ठूलो परिमाणमा चिनी बरामद गरेपछि भएको छ । पश्चिम नवलपरासी जिल्लाको छोटी भन्सार र चोरी नाकाबाट भारतीय चिनी भित्र्याउने र विभिन्न जिल्लामा पुर्याउने गरिएको पाइएको छ ।
पश्चिम नवलपरासी जिल्लाको बसैया, गेर्मी, भुजहवा, झुलिनीपुरलगायतका नाकाबाट चिनी तस्करी हुने गरेको छ । सीमावर्ती क्षेत्रको नजिकै गोदाम राख्ने र थोरै–थोरै परिमाणमा नेपाल भित्र्याएर विभिन्न जिल्लामा पठाउने गरेको स्रोतको दाबी छ ।
1662649968.jpg)
थोरै–थोरै परिमाणमा भित्रिएको चिनीलाई एकमुष्ट गरेर फर्जी बिल भर्पाई बनाएर बिक्री वितरण गरिँदै आएको स्रोतको दाबी छ । भारतमा प्रतिकेजी नेपाली ६० रुपैयाँमा पाइने चिनी नेपाल भित्र्याएपछि ८० देखि ९० रुपैयाँसम्ममा बिक्री गर्न सकिने भएकाले तस्करी बढेको हो । भारतले चिनी निर्यातमा रोक लगाएसँगै अहिले सीमावर्ती क्षेत्रमा दैनिकरूपमा अवैध तरिकाले चिनी ओसारपसार गर्ने क्रम बढेकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
