प्यूठान दुर्घटना अपडेट: मृत्यु हुनेको संख्या तीन पुग्यो

सुरक्षा/अपराध

नेपाल लाइभ आइतबार, साउन २९, २०७९ २०:१५

दाङ- आइतबार दिउँसो प्यूठानमा भएको जीप दुर्घटनामा परेर ज्यान गुमाउनेको संख्या तीन पुगेको छ।

नौबहिनी ५ डामृका जीपका चालक २५ वर्षीय लुकेश थापाको उपचारको क्रममा मृत्यु भएसँगै उक्त दुर्घटनामा मृत्यु हुनेको संख्या तीन पुगेको जिल्ला प्रहरी कार्यालय प्यूठानका प्रमुख प्रहरी नायब उपरिक्षक सत्य नारायण थापाले जानकारी दिए।

प्यूठानको बाग्दुलाबाट डामृतर्फ जाँदै गरेको लु १ ज १५४५ नम्बरको जीप दुर्घटना हुँदा नौबहिनी ५ डामृका रेमसरा बुढा मगरकी ४ वर्षीया छोरी करुणा बुढामगर र उनकै २५ दिने शिशु चेतना बुढाको उपचारकै क्रममा मृत्यु भएको थियो।

उनीहरु तीनै जनाको जिल्ला अस्पताल विजुवारमा उपचारका क्रममा मृत्यु भएको हो। दुर्घटनामा १५ जना घाइते भएका छन। घाइतेको विजुवार अस्पतालमा उपचार भइरहेको प्रहरीले जनाएको छ। जीप अनियन्त्रित भइ सडकदेखि करिब ४० मिटर तल खसेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

९१ औं वर्षमा शुक्रराज ट्रपिकल तथा सरुवारोग अस्पताल : बढ्दै सेवाग्राही, विस्तार हुँदै सेवा

प्रधानमन्त्रीको पार्टीमा नै उकुसमुकुस भइरहेको छ, यो सरकार धेरै अगाडि जाँदैन : अध्यक्ष प्रचण्ड

सम्पर्कविहीन १५ प्रहरीलाई ७ दिनभित्र हाजिर हुन निर्देशन