भारतीय ट्रकबाट १४४ किलो गाँजा बरामद

सुरक्षा/अपराध

नेपाल लाइभ बुधबार, साउन २५, २०७९ १४:३९

पर्सा– सशस्त्र प्रहरीले भारतीय नम्बरको ट्रकबाट १४४ किलो गाँजा बरामद गरेको छ।

पर्साको वीरगञ्ज नगरपालिका–२४ ड्राइपोर्ट परवानीपुर सडकखण्डस्थित बहुअरी चोकबाट मंगलबार राति उक्त परिमाणमा गाँजा बरामद गरिएको हो।

सोही ठाउँमा रोकिराखेको यूपी ७५ एम ४०८९ नम्बरको भारतीय ट्रकबाट सशस्त्र प्रहरी बल नेपाल नम्बर १३ गण पर्साबाट खटिएको टोलीले गाँजा बरामद गरेको जनाएको छ।

सशस्त्र प्रहरीले सो गाडीमा शंका लागि जाँच गर्दा हुटमा लुकाई–छिपाई राखेको अवस्थामा उल्लेखित परिमाणको गाँजाको १० वटा प्याकेट फेला परेपछि गाँजासहित उक्त ट्रक नियन्त्रणमा लिइएको जनाएको छ।

बरामद गाँजा र ट्रक जिल्ला प्रहरी कार्यालय पर्सामा बुझाइएको सशस्त्र प्रहरी नायब उपरीक्षक शैलेन्द्र थापाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

९१ औं वर्षमा शुक्रराज ट्रपिकल तथा सरुवारोग अस्पताल : बढ्दै सेवाग्राही, विस्तार हुँदै सेवा

प्रधानमन्त्रीको पार्टीमा नै उकुसमुकुस भइरहेको छ, यो सरकार धेरै अगाडि जाँदैन : अध्यक्ष प्रचण्ड

सम्पर्कविहीन १५ प्रहरीलाई ७ दिनभित्र हाजिर हुन निर्देशन