काठमाडौं- लोकदोहोरी क्षेत्रका चर्चित गीतकार शिव हमाल यतिबेला सकसमा छन्। नयाँ गीत 'पापाकी परी'ले उनलाई धर्मसंकटमा पारेको हो। तीजको छेक पारेर रिलिज भएको उनको गीत 'दरमा दारु' सावित भएको छ।
गीत सुनिहेरी सक्दा सामान्य समयमा असामान्य लाग्ने सम्भावना कमै देखिन्छ। शृंगारिक रसलाई प्रस्तुत गरेका गीतका शब्द यति धेरै आलोचना खेप्नेगरी नै 'अश्लील' पनि होइनन्। गीतको सबैभन्दा बढी आलोचित शब्द यस्तो छ :
के हुन्छ होला बिहेको राति
अँध्यारो कोठामा अन्जान साथी
सम्झेरै गइसक्यो सातो बरिलै
केही छैन उम्किने बाटो बरिलै
सामान्य समयमा यत्तिको गीत सुन्न मन लाग्नेले सुनेर तथा मन नलाग्नेले कान थुनेर पचाइदिन्थे। तर माहोल तीज गीतको जो छ। समय साउनको छ। शिवजीको भजन गाउने ठाउँमा जति सुमधुर भएपनि प्रेमगीत गाउनु सान्दर्भिक हुँदैन।
प्रेमलाई स्वभाविक ठान्ने भक्तजनहरु पनि निको मान्दैनन्। यत्ति सामान्य कुरा महशुस गर्न नसक्दा शिव भगवानको मौसममा शिव हमाल चाहिँ धर्मसंकटमा परेका हुन्।
हमालले गीतमा यस्तो तीतो प्रतिक्रिया आउने अपेक्षा गरेका थिएनन्। त्यसैले पोष्टरमा आफ्नै तस्विर राखेर 'भोलिदेखि' भन्दै प्रचार गरे। यस्तो नकारात्मक प्रतिक्रियाको न गायिका शुशीला पाठकले परिकल्पना गरेको हुनुपर्छ, न त संगीतकार आशिस अविरलले। तर गीत रिलिज भएपछि सामाजिक सञ्जालमा र गीत पोष्ट गरिएको युट्युबको लिंकमुनि दर्शकहरुले चित्त दुखाइ प्रस्तुत गरे।
गीतम मात्रै होइन, विवादित दृष्य पनि भएको छ। निर्देशक मौसमी हिमालीको आइडियामा मोडेल करिश्मा ढकाल पेटिककोट लगाएर नाचेकी छिन्। जुन दृष्य 'भल्गर' नै पनि होइन। 'भोगेटेले ओगटे'का कुरासमेत आफ्नै वक्षस्थलतिर संकेत गर्दै मस्त टिकटक बनाउने तहमा समाज उदार छ।
स्विमिङ कस्ट्युममा मोडलिङ नेपालमै पनि आम भइसकेको छ। त्यसरी प्रस्तुत गरिएका गीतका म्युजिक कति छन्, कति! नेपाली महिलाले लगभग पूरै शरीर छोपेर लगाउने पेटिकोट 'अपाच्य' नै नहुन सक्थ्यो।
समस्या के भने सर्जकको समूहले 'समय सन्दर्भ'को ख्याल पुर्याउन सकेन। यही गीत बिहेको सिजन मंसिरमा सार्वजनिक गरेको भए प्रशंसनीय हुन सक्थ्यो। तर माइत जाने मौसम तीजमा बिहेको गीत सार्वजनिक भयो।
मंसिरमा आयोजना हुने भोजमा मांसहार स्वभाविक मानिन्छ। त्यस्तो बेला शाहाकारीलाई प्राथमिकतामा नराखे पनि उनीहरुले चित्त दुखाउँदैनन्। साउनमा खशी काटेर भोज लगाए निम्तालुले के सोच्छन्? खानेले त खालान्, धर्मकर्ममा विश्वास गर्ने मांसहारीले नाक खुम्च्याउँछन्। हमालले मंसिरमा खानुपर्ने खशीको मासु साउनमै पस्किए। अनि हड्डी अड्किदैन त!
राष्ट्रिय लोकदोहोरी गीत प्रतिष्ठानका कार्यसमिति पदाधिकारीसमेत रहेका हमाल 'विकृति विसंगति न्यूनीकरण समिति'का संयोजक हुन्।
धेरैले भन्न खोजेको यस्तो देखिन्छ- लोक क्षेत्रकै विकृति बढार्न कुचो लिएर बसेका हमालले आफ्नो घरआंगन फोहर नै राख्न त कसरी मिल्यो र?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746520246.jpg)
-1746516671.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
