कोरोनाको ‘चौथो लहर' मा सावधानी अपनाउन आग्रह

समाचार

नेपाल लाइभ बिहीबार, साउन १९, २०७९ २२:५४

धनगढी–सुदूरपश्चिम प्रदेशको सामाजिक विकास मन्त्रालयले कोरोना संक्रमणको चौथो लहर र मंकीपक्स भारतमा फैलिइरहेको भन्दै प्रदेशका नागरिकलाई सावधानी अपनाउन आग्रह गरेको छ।

मन्त्रालयले बिहीबार धनगढीमा सञ्चारकर्मी तथा स्वास्थ्यकर्मीबीच पैरवी कार्यक्रम आयोजना गर्दै भारतमा कोरोना महामारी र मंकीपक्स भाइरस फैलिइरहेकाले प्रदेश उच्च जोखिम रहेको हुँदा प्रदेशवासीलाई स्वास्थ्य मापदण्डको पालना गरी सावधानी अपनाउन आग्रह गरेको हो।

सुदूरपश्चिम प्रदेश भारतसँगको खुल्ला नाका रहेकाले उच्च जोखिममा रहेको छ। कोरोनाको पहिलो, दोस्रो र तेस्रो लहरमा प्रदेश सबैभन्दा बढी प्रभावित भएको थियो। अहिले पनि जोखिममा रहेकाले प्रदेशवासीले स्वास्थ्यका मापदण्ड पालना गरिदिन मन्त्रालयका सचिव दीपक लामिछानेले आग्रह गरे। उनले भने–सीमाबाट फर्कने सबैलाई स्वास्थ्य परीक्षणको दायरामा ल्याउन समस्या भएको छ । तर पनि, मन्त्रालयले सुरक्षा संयन्त्रको प्रयोग गरि स्वास्थ्य परीक्षणमा जोड दिएको छ। दोस्रो समस्या भनेको भारतसँगको बजार पनि रहेको छ । किनमेलका लागि भारत जानेहरूले निर्वाध आवतजावत गर्दा संक्रमणको जोखिम निम्त्याइरहेका छन् ।’

कार्यक्रममा सामाजिक विकासमन्त्री गोविन्दराज बोहराले प्रदेश सरकारले नाकालाई व्यवस्थित गरिरहेको बताए। उनले भने, ‘भारतबाट फर्कने सबैको स्वास्थ्य परीक्षण गर्ने व्यवस्था गरिएको छ। भारतबाट फर्कने व्यक्तिहरूलाई होल्डीङ सेन्टरमा राख्ने, संक्रमणको लक्षण देखिएकालाई आइसोलेसन तथा अस्पतालमा राख्ने गरि मन्त्रालयले काम गरिरहेको छ।’ उनले आम नागरिकले स्वास्थ्य सुरक्षाका मापदण्ड पूर्ण रुपमा पालना नगरे महामारीले प्रदेशमा जोखिम निम्त्याउने बताए। ‘साबुन पानीले नियमित हात धुने, स्यानिटाइजर प्रयोग गर्ने, मुखमा मास्क अनिवार्य लगाउने जस्ता मापदण्डको पूर्ण पालना गरिदिन हुन प्रदेशबासीमा आग्रह गर्दछु’ उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रदेश सांसद गीता गुरुङले इमेलमार्फत दिएको राजीनामा अस्वीकृत

ढल्केबरमा समस्या हुँदा हिजो विद्युत् झ्याप्प–झुप्प भयो, अब लोडसेडिङ हुँदै हुँदैन : शाक्य

राज्य व्यवस्थाबाट समितबाट निजामती विधेयक पारित