सुन र डलर बरामद भएपछि घर खानतलासी गर्दा भेटियो पेस्तोल र २० राउण्ड गोली

सुरक्षा/अपराध

नेपाल लाइभ बिहीबार, साउन १९, २०७९ १२:२४

काठमाडौं– पेस्तोल, २० राउण्ड गोली र सुनसहित दुई जना पक्राउ परेका छन्। जिल्ला प्रहरी कार्यालय धादिङको टोलीले उनीहरुलाई पक्राउ गरेको हो।

निलकण्ठ नगरपालिका–३ धादिङबेसी थोपल खोलास्थित सडकबाट बिस्कुट आकारको सुन जस्तो देखिने पहेंलो धातु १ थान र अमेरिकी डलर जस्तो देखिने ५० दरको नोट ९७ थान र १०० दरको नोट १ सय ६३ थान सहित २ जनालाई प्रहरीले पक्राउ गरेको हो।

पक्राउ पर्नेहरूमा खनियाबास गाउँपालिका–४ बस्ने बेग बहादुर तामाङ र शोभा तामाङ रहेका छन्। लपाङफेदीबाट धादिङबेसीतर्फ आउँदै गरेको ग १ ज ६७५३ नम्बरको गाडीलाई जिल्ला प्रहरी कार्यालय धादिङबाट खटिएको प्रहरीले जाँच गर्ने क्रममा गाडीमा सवार उनीहरूलाई उक्त पहेंलो धातु र अमेरिकी डलर जस्तो देखिने नोटसहित फेला पारी पक्राउ गरेको प्रहरीले जनाएको छ।

साथै थप अनुसन्धानको क्रममा प्रहरीले बेगबहादुर तामाङको घर तालसी गर्दा घरमा लुकाई राखेको २ थान सेमी अटोमेटिक पेस्तोल, सोही पेस्तोलमा प्रयोग हुने गोली २० राउण्ड‚ १ थान कटुवा पेस्तोल र बिस्कुट आकारको सुन जस्तो देखिने पहेंलो धातु ५ थान फेला पारी बरामद गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इजरायलमा बर्ड फ्लुको नयाँ सङ्क्रमण

समस्याग्रस्त सुमेरु सहकारीको कार्यालय सिल

आगामी निर्वाचनमा बहुमत पाए भ्रष्टाचारीको जरो उखालेर फ्याँकिदिन्छौं: प्रचण्ड