बसमा घर फर्किँदै गर्दा घोडाघोडी क्याम्पसका विद्यार्थीबीच झडप, चक्कु प्रहारबाट दुई जना घाइते

सुरक्षा/अपराध

नेपाल लाइभ बुधबार, साउन १८, २०७९ १८:१३

कैलाली– कैलालीको घोडाघोडी क्याम्पसमा अध्ययनरत विद्यार्थीबीच विवाद हुँदा चक्कु प्रहार भएको छ। घोडाघोडी बुहुमुखी क्याम्पसमा अध्यनरत विद्यार्थीहरु सुखडदेखि मसुरिया आउने क्रममा सार्वजनिक बसमा विवाद हुँदा चक्कु प्रहार भएको हो।

चक्कु प्रहारबाट दुई जना घाइते बनेका छन्। घोडाघोडी बुहुमुखी क्याम्पसमा अध्यनरत गौरीगंगा ८ बढैपुरका सागर सुनारलाई सार्वजनिक बसमा घर फर्कने क्रममा गौरीगंगा–९ का सुनिल आउजी र गौरीगंगा ५ का पुष्कर भाटले चक्कु प्रहार गरेको जिल्ला प्रहरी कार्यालय कैलालीका प्रवक्ता बेदप्रकाश जोशीले जानकारी दिए।

चक्कु प्रहार गर्ने दुवै जनाको खोजी भइरहेको प्रहरीले जनाएको छ। घाइते सुनारको घाटी, हात र खुट्टमा चोट लागेको छ। उनको पहलमानपुर पोलिक्लिनकमा उपचार भइरहको छ।

विवाद मिलाउन प्रयास गर्ने अर्का व्यक्ति जुद्ध साँउद पनि घाइते भएका छन्। वसमा सवार साँउदको झडपलाई नियन्त्रणमा लिने क्रममा हातमा चोट लागेको हो। चक्कु प्रहार गर्ने आउजी र भाट फरार रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इजरायलमा बर्ड फ्लुको नयाँ सङ्क्रमण

समस्याग्रस्त सुमेरु सहकारीको कार्यालय सिल

आगामी निर्वाचनमा बहुमत पाए भ्रष्टाचारीको जरो उखालेर फ्याँकिदिन्छौं: प्रचण्ड