कैलालीका गहना व्यवसायी सन्तोष: जसलाई पक्राउ गर्न उड्नै लागेको जहाज रोक्नुपर्‍यो

सुरक्षा/अपराध

कैलालीका गहना व्यवसायी सन्तोष: जसलाई पक्राउ गर्न उड्नै लागेको जहाज रोक्नुपर्‍यो२ घण्टाको चेकजाँचपछि मुम्बई उड्यो नेपाल एयरलाइन्सको जहाज

नेपाल लाइभ बुधबार, साउन १८, २०७९ १६:०५

काठमाडौं– शंकास्पद व्यक्ति सवार रहेको प्रहरीको सूचनापछि रोकिएको नेपाल एयरलाइन्सको जहाज २ घण्टापछि भारतको मुम्बई उडेको छ।

बुधबार दिउँसो १:१० बजे मुम्बई उड्ने तालिका रहेको फ्लाइट नम्बर आरए २०१ नम्बरको न्यारोबडी जहाजले उडान भर्न ढोका बन्द गरिसकेको अवस्थामा रोकिएको थियो।

विमानमा शंकास्पद व्यक्ति सवार रहेको सूचनापछि सबै यात्रुलाई ओरालेर चेकजाँच गरिएको थियो।

प्रहरीले मुम्बई जान लागेका कैलालीका सन्तोष लामिछानेलाई विमानबाटै पक्राउ गरेको हो। उनी आफ्नी श्रीमतीसँग मुम्बई जान लागेका थिए। सन्तोष पक्राउ परेपछि उनकी श्रीमती पनि विमानबाट ओर्लिएकी छन्।

प्रहरीका अनुसार पक्राउ परेका सन्तोष गहना व्यवसायी हुन्। कैलालीमा गहना पसल चलाउँदै आएका उनी चोरी तथा तस्करीको सुन किनेर बिक्री गर्ने कार्यमा संलग्न थिए।

जिल्ला प्रहरी कार्यालय कैलालीको खोजी सूचीमा रहेका उनी काठमाडौंबाट मुम्बई उड्न लागेको सूचना प्रहरी प्रधान कार्यालयको विशेष ब्यूरोमा आइपुगेको थियो। कैलाली प्रहरीको सूचनाअनुसार नै बिशेष ब्यूरोको टोली सन्तोषलाई पक्राउ गर्न विमानस्थल पुगेको थियो।

शंकास्पद व्यक्तिको पक्राउपछि विमानमा सवार अन्य यात्रुको पनि पुन: सुरक्षा जाँच गरिएको नेपाल वायुसेवा निगमकी प्रवक्ता अर्चना खड्काले जानकारी दिइन्।

पुन: सुरक्षा जाँच गरी बोर्डिङ गर्दा २ घण्टाको समय लागेको र अहिले जहाज मुम्बई प्रास्थान गरिसकेको प्रवक्ता खड्काले जानकारी दिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इजरायलमा बर्ड फ्लुको नयाँ सङ्क्रमण

समस्याग्रस्त सुमेरु सहकारीको कार्यालय सिल

आगामी निर्वाचनमा बहुमत पाए भ्रष्टाचारीको जरो उखालेर फ्याँकिदिन्छौं: प्रचण्ड