काठमाडौंको काभ्रेस्थलीमा एकै परिवारका ४ जना मृत फेला

सुरक्षा/अपराध

नेपाल लाइभ सोमबार, साउन १६, २०७९ १३:२३

प्रतिकात्मक तस्बिर

काठमाडौं– काठमाडौंको तारकेश्वर नगरपालिकाअन्तर्गको काभ्रेस्थलीमा एकै परिवारका ४ जना मृत अवस्थामा फेला परेका छन्।

श्रीमान्–श्रीमतीसहित छोरी र छोरा मृत फेला परेका काठमाडौं उपत्यका अपराध अनुसन्धान कार्यालयका प्रमुख प्रहरी वरिष्ठ उपरीक्षक (एसएसपी) जनक भट्टराईले जानकारी दिए।

‘एकै परिवारका ४ जना मृत फेला परेका छन्। श्रीमान्–श्रीमती तथा १ बालिका र १ बालक मृत फेला परेका भन्ने जानकारी आएको छ,’ एसएसपी भट्टराईले नेपाल लाइभसँग भने।

अहिले काठमाडौं उपत्यका अपराध अनुसन्धान कार्यालयसँगै जिल्ला प्रहरी परिसर काठमाडौंको टोली पनि घटनास्थल पुगेको छ।

मृत्युको कारण भने नखुलेको प्रहरीले जानकारी दिएको छ। ‘अहिले प्रारम्भिक जाँचबुझ भइरहेको छ। मृत्यु हो वा हत्या भन्ने विषय खुलेको छैन,’ एसएसपी भट्टराईले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’