नेप्से परिसूचक ५४.५८ अंकले वृद्धि

बैंक/बिमा/सेयर

नेपाल लाइभ आइतबार, साउन १५, २०७९ १६:४८

काठमाडौं– साताको पहिलो कारोबारको दिन आइतबार नेप्से परिसूचक उच्च अंकले वृद्धि भएको छ।

आइतबार नेप्से परिसूचक ५४.५८ अंक बढेर २१९५.१० बिन्दुमा पुगेको हो। त्यस्तै, सेन्सेटिभ इण्डेक्स ९.७२ अंक बढेको छ भने फ्लोट इण्डेक्स १६.१० अंक र सेन्सेटिभ इण्डेक्स ३.८४ अंक बढेको छ।

आइतबार कारोबारमा आएका २२० कम्पनीको एक करोड १३ लाख ३९ हजार कित्ता सेयर ४ अर्ब ६० करोड ९९ लाख ७१ हजार रुपैयाँ बराबरको खरिदबिक्री भएको छ। आइतबारको कारोबारमा नेप्सेसँगै कारोबार रकम पनि बढेको हो।

नेप्सेका १३ उपसमूह १२ उपसमूहको परिसूचक बढेको छ भने फाइनान्स उपसमूहको परिसूचकमा गिरावट आएको छ। जसमा जीवन बीमा र निर्जीवन बीमा उपसमूहको परिसूचक ४ प्रतिशतभन्दा बढी बढेको छ। लगानी उपसमूह ४.७६ प्रतिशत बढेको छ। अन्य र व्यापार उपसमूहको परिसूचक ३ प्रतिशतभन्दा बढी बढेको छ।

आइतबार नेपाल इन्स्योरेन्स, नेको इन्स्योरेन्स, आइएमई जनरल इन्स्योरेन्स र एनएलजी इन्स्योरेन्स, युनाइटेड इदी मार्दी, स्वाभिमान लघुवित्त, युनाइटेड इन्स्योरेन्स र नेपाल लाईफ इन्स्योरेन्सको सेयरमूल्य सकारात्मक सर्किट लेभलमा कारोबार भएको छ।

तर यता, नेशनल हाइड्रोपावर र मल्टीपर्पस फाइनान्सको सेयरमूल्य ३ प्रतिशतभन्दा बढीले घटेको छ। कारोबार रकमका आधारमा २१ करोड ३४ लाख कित्ता सेयर खरिदबिक्री गरेर शिवम् सिमेन्ट्स शीर्ष स्थानमा रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चलचित्र ‘देववाणी’ आजबाट प्रदर्शनमा, बलिउड अभिनेता ह्यारीले दर्शकसँगै फिल्म हेर्ने

संविधान संशोधनका लागि कार्यदल बनाएर काम सुरु भइसक्यो : उपप्रधानमन्त्री सिंह

प्रतितोला एकसयले घट्यो सुनको मूल्य