राहदानी बनाइदिने भन्दै ठगी तथा कीर्ते कसूरमा संलग्न चार जना पक्राउ

सुरक्षा/अपराध

नेपाल लाइभ शनिबार, साउन १४, २०७९ १८:२४

काठमाडौं–राहदानी बनाइदिने भन्दै ठगी तथा कीर्ते कसूरमा संलग्न ४ जना पक्राउ परेका छन्।

त्रिपुरेश्वरस्थित राहदानी विभागमा राहदानी बनाइदिन आएका सेवाग्राहीलाई राहदानी बनाइदिन्छु भन्दै रकम संकलन र ठगी गरेको सूचनाका आधारमा प्रहरी वृत्त कालिमाटीबाट खटिएको टोलीले उनीहरुलाई पक्राउ गरेको हो।

पक्राउ पर्नेमा सिन्धुपाल्चोक मेलम्ची ५ घर भई काठमाडौं महानगरपालिका ७ चावहिल बस्ने ३३ वर्षीय रामबहादुर बोगटी, धनकुटा पाख्रिवास १० घर भई चाबहिल बस्ने २८ वर्षीय कुमार राई, सिन्धुपाल्चोक हेलम्बुका २२ वर्षीय राम पौडेल र काठमाडौं गोकर्णेश्वर २ सुन्दरीजल घर भई चावहिलमा रोज बर्ड नामक फोटो स्टुडियो सञ्चालन गरी बस्ने ४१ वर्षीय विवेक गुरुङ छन्।

उनीहरुबाट ३२ थान राहदानी अनलाइन फारम, ल्यापटप तीन थान, प्रिन्टर एक थान र मोबाइल तीन थान बरामद गरिएको र काठमाडौं जिल्ला अदालतबाट चार दिन म्याद थप गरी थप अनुसन्धान भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’